ԵՐԵՎԱՆ, 16 հունվարի. /Նովոստի-Արմենիա/. Ռուսաստանը հույս ունի առաջընթաց գրանցել այս տարի Լեռնային Ղարաբաղի հարցի կարգավորման գործընթացում` Հայաստանի և Ադրբեջանի բարի կամքի առկայության դեպքում: Չորեքշաբթի 2018 թ.-ի արդյունքներով ամփոփիչ մամուլի ասուլիսում հայտարարել է Ռուսաստանի արտաքին գործերի նախարար Սերգեյ Լավրովը, հայտնում է ՏԱՍՍը:
«Այս ամիս նախատեսվում է ԵԱՀԿ ՄԽ համանախագահների հերթական շփումը Հայաստանի և Ադրբեջանի ԱԳՆ ղեավարների հետ: Կարծում եմ, որ այս ուղղությամբ մենք նույնպես կկարողանանք աջակցել Ղարաբաղյան հակամարտության կարգավորմանը, որն իր էության հին հակամարտություն է, սակայն որը հեշտ լուծվում է Երևանի և Բաքվի կողմից բարի կամքի առկայության և միջազգային հանրության աջակցության դեպքում, այդ թվում` ի դեմս համանախագահների, - ասել է նա:
«Կարծում եմ, որ լուծում գտնելու պատրաստակամության վերաբերյալ Բաքվի հնչեցրած հայտարարությունները նույնպես արժանի են աջակցության, - շարունակել է Լավրովը: - Հույս ունենք, որ մեր հայ բարեկամները նույն պատրաստակամությունը կհայտնեն»:
Հիշեցնենք, որ Փարիզում այսօր անցկացվում է Հայաստանի ԱԳ նախարարի պաշտոնակատար Մնացականյանի հանդիպումն Ադրբեջանի ԱԳ նախարար Էլմար Մամեդյարովի հետ։-0-
