Կոսովոյի գործընթացը չի կարող նախադեպ լինել հետխորհրդային տարածքում հակամարտությունների կարգավորման համար. ԵՄ
Կոսովոյի գործընթացը չի կարող նախադեպ լինել հետխորհրդային տարածքում առկա հակամարտությունների կարգավորման համար, չորեքշաբթի «Նովոստի-Արմենիա» գործակալությանը հայտարարեց Հարավային Կովկասում Եվրամիության հատուկ ներկայացուցիչ Պիտեր Սեմնեբին։
«Մի կողմից Կոսովոյում կատարավող գործընթացները կարող են ազդել հետխորհրդային տարածքի հակամարտությունների կարգավորման վրա, քանի որ մտավախություններ և սպասումներ են առաջացնում՝ կախված այն բանից, թե ով որ կողմն է ներկայացնում, սակայն մյուս կողմից՝ ոչ»,-ասել է Սեմնեբին։
Նա իր միտքը պարզաբանել է կոսովյան կարգավորման մեջ բազմաթիվ յուրահատուկ գործոնների առկայությամբ, ինչի կապակցությամբ «իրավաբանական տեսակետից այդ հակամարտության կարգավորումը չպետք է նախադեպ ծառայի մյուս հակամարտությունների համար»։
ՄԱԿ-ի Անվտանգության խորհուրդը չորեքշաբթի սկսում է Կոսովոյի կարգավիճակի հարցի քննարկումը՝ Բելգրադի և Պրիշտինայի միջև տեղի ունեցած 120-օրյա ուղիղ բանակցություններից հետո միջնորդների «եռյակի» ներկայացրած զեկույցի հիման վրա։
«Եռյակի» (Ռուսաստան, ԱՄՆ և Եվրամիություն) զեկույցը փաստում է, որ Բելգրադին և Պրիշտինային չի հաջողվել հանգել ընդհանուր հայտարարի երկրամասի կարգավիճակի վերաբերյալ, չնայած այն բանին, որ երկու կողմերն էլ իրենց ապագան տեսնում են Եվրամիության շրջանակներում և խոստացել են զերծ մնալ բռնությունից։–0--
