546.28
6.38
482.79
-2
Եղանակը Երևանում
Հայ

«Գալաքսին» թիմով հաջողության հասնելու պատմություն է. Արամ Խաչատրյան

11:09
11 Նոյեմբերի 2021

ԵՐԵՎԱՆ, 11 նոյեմբերի./Նովոստի–Արմենիա/. «Փոքր թիմից` Հայաստանի խոշոր գործատու». «Առկա» և «Նովոստի Արմենիա» լրատվական գործակալությունների հետ զրույցում «Գալաքսի» ընկերությունների խմբի համահիմնադիր և գլխավոր տնօրեն Արամ Խաչատրյանն ամփոփել է ընկերության 22 տարվա գործունեությունը։

«Նովոստի–Արմենիա». «Գալաքսին» վերջերս նշեց իր հիմնադրման 22-ամյակը և հայտարարեց բիզնես ու սոցիալական նախագծերը նոր թափով սկսելու մտադրությունների մասին։ Եթե փորձենք հետահայաց ամփոփել այս ամբողջ ժամանակահատվածը, ինչպե՞ս կբնութագրեիք այս երկար ուղին՝ որպես «Գալաքսիի» համահիմնադիր։

Ա. Խաչատրյան. Թեև դժվար է, միգուցե անհնար՝ մի քանի բառով ամփոփել 22 տարին, բայց կարծում եմ՝ այս ամբողջ ժամանակահատվածը թիմով հաջողության հասնելու պատմություն է։ Ինձ համար վերահաստատել եմ՝ ցանկացած իրավիճակում նախևառաջ պետք է ապավինես քո և թիմի ուժերին։ Եվ որ հավաքական ներուժով ու գիտելիքով կարելի է հասնել անհնար թվացող նշաձողի։ Իսկ գիտելիքը հատկապես ծնվում է փորձից՝ բիզնես մրցակցությունից, հաջողություններից, ձախողումներից, մարտահրավերներից ու դրանք հաղթահարելու տարբեր ճանապարհներն անցնելուց։

Ինձ համար «Գալաքսիի» 22-ամյակը թիմային այս բանաձևի խորհուրդն ունի, և հենց այդ արժեքային հենքով ենք մենք ձևակերպել մեր մյուս տարվա նախագծերը։ Դրանք միտված են բիզնեսի զարգացմանը, հասարակական առողջացմանը, Հայաստանի տնտեսության վերականգնմանն ու առաջընթացին։

Կարծում եմ՝ այս օրակարգի համար մենք ունենք ինստիտուցիոնալ ամուր ժառանգություն։ Այդ համատեքստում կարող եմ ընդգծել հատկապես «Գալաքսիի» հաստատուն աճն ու տրանսֆորմացիաները` հայաստանյան ընկերությունից դեպի տարածաշրջանային ներկայացվածություն ունեցող ընկերությունների խումբ, կոմերցիոն ընկերությունից՝ սոցիալապես պատասխանատու բիզնես, փոքր թիմից` Հայաստանի խոշոր գործատու։

Галакси Galaxy (2).jpg

«Գալաքսին» նշեց իր 22-ամյակը ռոք-դասական համերգով՝ Հայաստանի պետական սիմֆոնիկ նվագախմբի կատարմամբ


«Նովոստի–Արմենիա». Նախորդ տարին դժվարագույնն էր՝  համավարակ, ճգնաժամ, պատերազմ, և հետևանքները մեղմելու համար դեռևս շատ ժամանակ կպահանջվի։ Ինչպե՞ս է ազդել այս ամենը բիզնեսի վրա՝ հաշվի առնելով այն հանգամանքը, որ ձեր հոլդինգային ընկերության կազմի ներքո հանդես են գալիս Հայաստանի ավելի քան 10 խոշոր ընկերություններ։

Ա. Խաչատրյան. Իսկապես, մարտահրավերների ծավալն աննախադեպ էր, բոլորիս համար կորուստները՝ աննկարագրելի։ Դժվար է եղել աշխատելը, հատկապես, երբ այդ մեծագույն խնդիրներից բացի, ունեցել ենք նաև կորպորատիվ ճգնաժամներ։ Սակայն փորձել ենք և կարողացել ենք պահպանել թիմային ոգին, հնարավոր ջանքեր ներդնել՝ մեղմելու ճգնաժամերի հետևանքները և, ի վերջո, աշխատել գիտակցումով, որ յուրաքանչյուրս ներդրում ունի Հայաստանի տնտեսական կայունության ապահովման, տնտեսության վերականգնման գործում։

Նոր ռազմավարություն է մշակվել՝ նպատակ ունենալով արձագանքել նոր որակի մարտահրավերներին ու խթանել «Գալաքսիի» խմբի կազմում հանդես եկող ընկերությունների շարունակական աճը։ Միայն նախորդ տարվա ընթացքում պետական բյուջե հարկերի տեսքով «Գալաքսի» ընկերությունների խումբը վճարել է ավելի քան 11,5 միլիարդ ՀՀ դրամ (ավելի քան 22 միլիոն ԱՄՆ դոլար), իսկ տեղական շուկայից գնումները կազմել են մոտ 36 մլն ԱՄՆ դոլար: Մենք նաև կարողացել ենք ապահովել բիզնեսի շարունակականությունը՝ պահպանելով տարբեր փուլերում գտնվող նախագծերի կայուն զարգացումը։

«Նովոստի–Արմենիա». Ըստ երևույթին, «Գալաքսիի» կազմում հանդես գալը մրցակցային առավելություն է տրամադրում ընկերություններին՝ հաշվի առնելով այն հանգամանքը, որ մեծ համակարգի մաս կազմելը վստահաբար ավելի ամուր հենք է ապահովում։ Հետաքրքիր է՝ ի՞նչ սկզբունքներով եք առաջնորդվում ինստիտուցիոնալ կառավարում իրականացնելիս։

Ա. Խաչատրյան. «Գալաքսին»՝ որպես հոլդինգային ընկերություն, առաջադրում է ռազմավարական զարգացման ուղենիշները, համապատասխան բիզնես պրոցեսներով ու ընթացակարգերով նպաստում ողջ էկոհամակարգի կայուն գործառնությանը և, որպես այդպիսին, պետք է բոլորից առաջ հաշվի առնի բիզնես ռիսկերն ու ապահովի արդյունավետ կառավարում։ «Գալաքսիի» դերը սահմանվում է մեր ընկերությունների համար երեք կարևոր գործառույթների ապահովմամբ.

1)   աջակցություն՝ բոլոր փուլերում, ներառյալ թիմերի ստեղծումը, տարբեր շահառուների հետ գործընկերությունների հաստատումը, բանակցումը և այլն.

2)   կանոնակարգման ապահովում, ներառյալ ֆինանսական, թիմային առաջնորդման, մարքեթինգի, իրավաբանական ոլորտներում համապատասխան ընթացակարգերի ու սկզբունքների ներդրումն ու գործադրումը.

3)   վերահսկողություն՝ նպատակ ունենալով ապահովել բիզնեսի զարգացումը՝ համաձայն ռազմավարության։

Բազմաոլորտային ներգրավվածությունը նպաստում է փորձի փոխանակմանը, հնարավորության բազմազանություն է տալիս՝ սկսած աշխատուժի շուկայից, մատակարարների հետ բանակցելուց և այլն։ Այս իմաստով, գիտելիքի և փորձի շարունակական փոխանակումը ընկերությունների միջև առանցքային կետ է մեր ընկերությունների խմբի արդյունավետ զարգացման համար։

«Նովոստի–Արմենիա». Բիզնես վարելու «Գալաքսիի» մոդելի մեջ է տեղավորվում նաև սոցիալական և տնտեսական ազդեցության զեկույցների պարբերական հրապարակումը։ Սա կարելի՞ է համարել նոր մշակույթի սկիզբ Հայաստանի տնտեսական կյանքում։

Ա. Խաչատրյան. Կլինի նոր սկիզբ, թե ոչ՝ չգիտեմ, բայց մենք հավատում ենք, որ դա հաստատապես արդյունավետ հաղորդակցման միջոց է Հայաստանի քաղաքացիների, բոլոր շահառուների՝ աշխատակիցների, սպառողների և մյուսների հետ։ Ու թեև հատուկ պահանջ չկա հրապարակելու հարկային, վարկային և այլ կարևորագույն տվյալներ ընկերության գործունեության մասին, այնուամենայնիվ, գոնե «Գալաքսիի» համար կարևոր է թափանցիկության բարձր մակարդակի ապահովումը։

Բացի այդ, մեր ռազմավարությունը նպատակ ունի ընդլայնել իրազեկվածությունը ինչպես «Գալաքսիից» դուրս, այնպես էլ Հայաստանում ու մեր տարածաշրջանային գրասենյակներում աշխատող թիմակիցների շրջանում, թե բազմաինդուստրիալ մեր ընկերությունը հավաքական ինչ ազդեցություն ունի տնտեսության վրա։

Իսկ մեր Խմբի ազդեցության պարագիծը բավական ընդգրկուն է։ Ուստի, որպես պատասխանատու բիզնես, փորձում ենք ապահովել բիզնես մշակույթի այնպիսի մակարդակ, որը բխում է հանրային շահերից և արտացոլում սոցիալ-տնտեսական ոլորտի բոլոր շահառուների շահերը։ Ավելին, մեր այդ մշակույթի բաղադրիչ ենք համարում նաև արդյունավետ կառավարման ապահովումը, շուկա նորարարություն բերելը, ինչպես նաև մարդկային կապիտալի զարգացումը «Գալաքսիի» ներսում, ինչը մյուս կողմից հանդիսանում է կարևոր արժեք տնտեսության համար։

Галакси Galaxy (1).jpg

Առաջին PAUL-ը կբացվի Աբովյան 8 հասցեում` համադրելով հին Երևանի ճարտարապետությունն ու ֆրանսիական հացաբուլկեղենի մշակույթը


«Նովոստի–Արմենիա». Արդյունավետ կառավարման մեխանիզմնե՞ր, ինովացիանե՞ր, թե՞ այլ սկզբունքների համախումբն է խթանել «Գալաքսիի» բիզնեսի շարունակականությունը։

Ա. Խաչատրյան. Նպատակների, դրանց ճշմարտացիության նկատմամբ հավատը եղել է կարևորագույն արժեքներից մեկը բիզնեսի շարունակականության ապահովման համատեքստում։  Իսկ ճանապարհը դեպի նպատակ անցել ենք թիմով, գիտելիքով ու կամային արժեքներով։ Մենք հպարտ ենք մեր ունեցած մարդկային ներուժով. մեր նվիրված ու պրոֆեսիոնալ թիմերն են մեր հաջողության երաշխավորը։

Դա է պատճառը, որ, չնայած նախորդ տարվա դժվարություններին, «Գալաքսիի» ոչ մի ընկերություն չի դադարեցրել իր գործունեությունը։ Ավելին, չենք դադարել նոր նախագծերի մասին խոսել, պլանավորել ու իրականացնել դրանք։ Մասնավորապես, հաջորդ տարեսկզբին Հայաստանում արդեն շահագործման կհանձնվի ժամանակակից ճարտարապետության ամենաբարձր պահանջներին համապատասխանող Teryan 5 շենքի բնակելի հատվածը։ Նաև հայտարարեցինք շուտով Հայաստանում ֆրանսիական հանրահայտ PAUL հացաբուլկեղենի սրճարանների ցանցի բացման մասին։ Իսկ վերջերս արդեն բացեցինք TI’ME և Pandora բրենդների երկրորդ կենտրոնը Բելառուսում։ Ունենք նաև այլ՝ ինչպես տարածաշրջանային բնույթի, այնպես էլ տեղական արտադրության խթանման նոր նախագծեր, որոնք դինամիկ զարգացման փուլում են։

Մեր կենսական շահերի կենտրոնը Հայաստանն է, մեր երկիրը մենք շատ ենք սիրում, և մեծ երջանկություն է հավելյալ արժեք ներբերել հայրենական տնտեսություն։ Միևնույն ժամանակ, մեր ձգտումն է, որ «Գալաքսիի» բիզնես աշխարհագրությունն ընդլայնվի, իսկ «Գալաքսիում» ստեղծված բրենդը ստանա միջազգային ճանաչում։–0–
Partners News
Partners News
ԱՌԿԱ գործակալություն
Բաժնի այլ նյութեր
19:37
01 Հունվարի 2022
Հասմիկ Կարապետյանը` անցյալի սխալների, ամուսնու և շատ գումար աշխատելու մասին. ԱՆհարմար հարցեր (ՎԻԴԵՈ)
Հասմիկ Կարապետյանը` անցյալի սխալների, ամուսնու և շատ գումար աշխատելու մասին. ԱՆհարմար հարցեր. ՎԻԴԵՈ
21:56
16 Դեկտեմբերի 2021
DJ Վակցինան` լեսբի լինելու բամբասանքի, ընկերներ կորցնելու և քաղաքականության մասին (ՎԻԴԵՈ)
Այս անգամ մեր ԱՆհարմար հարցերի պատասխանները հղել ենք DJ Վակցինային։ Զրուցել ենք բնավորության վատ գծերից ու սովորություններից, բամբասանքներից, քաղաքական գրառումներից, երեխաներից, երազանքներից և այլ. ՎԻԴԵՈ
14:18
13 Դեկտեմբերի 2021
Բարեգործությունից դեպի բիզնես․ Հայաստանում գործարկվել է Khachen քրաուդֆանդինգային հարթակը (ԷՔՍԿԼՅՈՒԶԻՎ)
Հայաստանում գործարկվել է Khachen նոր՝ սոցիալական պատասխանատվությամբ քլաուդֆանդինգային հարթակը, որի նպատակն է վերականգնել և զարգացնել միկրո և փոքր բիզնեսը հանրապետության տարածքում
16:58
06 Դեկտեմբերի 2021
Covid-19 համավարակը դարձավ Արդշինբանկի ամենաուժեղ աջակիցը բանկի թվային տրանսֆորմացիայի գործում․վարչության նախագահ
Արդշինբանկի Վարչության նախագահ Արտակ Անանյանի հարցազրույցը Financial Times-ի The Banker ամսագրում՝ Տարվա լավագույն բանկը ճանաչվելու կապակցությամբ
11:55
24 Օգոստոսի 2021
Վերափոխումն և վստահությունը կարևոր նշանակություն ունեն ժամանակակից բանկային ոլորտում հաջողության հասնելու համար . Արտակ Հանեսյան
Հեղինակավոր GlobalMarkets ամսագրի հետ հարցազրույցում Ամերիաբանկի գլխավոր տնօրեն Արտակ Հանեսյանը խոսում է բանկի ռազմավարության,  հայկական շուկայում բանկի ունեցած դիրքի, հաջողությունների և անելիքների մասին
14:53
07 Մայիսի 2021
Փաշինյանը փորձելու է Ռուսաստանին հեռացնել տարածաշրջանից. Հրանտ Մելիք-Շահնազարյան (ՎԻԴԵՈ)
«Նովոստի–Արմենիա»–ի Youtube–յան ալիքով հեռարձակվող «Հատուկ կարծիք» հաղորդաշարի շրջանակում քաղաքագետ Հրանտ Մելիք–Շահնազարյանի հետ զրուցել ենք այն մասին, թե ինչ քաղաքական զարգացումներ կարող են սպասվել մեզ առաջիկա ամիսներին. ՎԻԴԵՈ
14:37
30 Ապրիլի 2021
Բորիս Ֆոկին. Հայաստանն ունի առավելություն, որը կդարձնի երկիրը համաշխարհային առաջնորդ գոյատևելու հարցում սթրեսի և անորոշության պայմաններում
Hay'Li Human Development–ի համահիմնադիր, Abakus մենթալ թվաբանության կենտրոնի հիմնադիր և CIS Armenia International School–ի համահիմնադիր Բորիս Ֆոկինը խոսել է Հայաստանի ապագայի, նրա առավելությունների և այն մասին, թե  ինչու է Հայաստանը դեպի իրեն ձգում ոգով ուժեղ մարդկանց
18:17
22 Ապրիլի 2021
Ի՞նչ պետք է անի Հայաստանը տնտեսական «հրաշքին» հասնելու համար. Տիգրան Արզաքանցյանը՝ բիզնեսի մասին. ԷՔՍԿԼՅՈւԶԻՎ (ՎԻԴԵՈ)
ԱԺ նախկին պատգամավոր,  «Ցար Տիգրան» բրենդի հիմնադիր Տիգրան Արզաքանցյանն անդրադարձել է Հայաստանում ստեղծված տնտեսական իրավիճակին ու այն ճանապարհներին, որոնք կօգնեն հաղթահարել մերօրյա բարդությունները. ԷՔՍԿԼՅՈւԶԻՎ. ՎԻԴԵՈ
15:54
22 Ապրիլի 2021
Ամերիաբանկի խորհրդի անկախ անդամ Ֆիլիպ Լինչ. հաջողությունը գործոնները կառավարելու և վերահսկելու ունակությունն է (ՎԻԴԵՈ)
Ամերիաբանկի խորհրդի անկախ անդամ Ֆիլիպ Լինչն անդրադարձ է կատարել մի շարք թեմաների. Հայաստանի տնտեսության զարգացման միտումները, Ամերիաբանկի հաջողության գրավականը, մասնավորապես` կառավարման կայուն և ուժեղ համակարգն ու զարգացման հեռանկարները. ՎԻԴԵՈ
19:41
15 Ապրիլի 2021
Ֆիլիպ Լինչ. Ես շատ լավատեսորեն եմ տրամադրված և կարծում եմ, որ մենք ականատես կլինենք տնտեսության վերականգնմանը, ինչն էլ կարտացոլվի ֆինանսական շուկաներում (ՎԻԴԵՈ)
Ամերիաբանկի խորհրդի անկախ անդամ Ֆիլիպ Լինչը ֆինանսների աշխարհում է ավելի քան 30 տարի: Հայաստանի տնտեսության վերաբերյալ նրա գնահատականներն ու վերլուծություններն անչափ հետաքրքիր են. ՀԱՐՑԱԶՐՈՒՅՑ. ՎԻԴԵՈ
12:15
14 Ապրիլի 2021
Թուրքիայի բանակի և իշխանության միջև կոնֆլիկտը չի վերացել. թուրքագետ Ռուբեն Մելքոնյան (ՎԻԴԵՈ)
Ռուբեն Մելքոնյանը «Հատուկ կարծիք» հաղորդաշարի ընթացքում անդրադարձել է ԱՄՆ նախագահի կողմից Հայոց ցեղասպանության ընդունման, Թուրքիայի հետ բարիդրացիական հարաբերությունների ձևավորման հարցին, թուրքական իշխանության և բանակի հարաբերություններին. ԷՔՍԿԼՅՈՒԶԻՎ. ՎԻԴԵՈ
20:10
06 Ապրիլի 2021
Հնարավոր են նոր կորուստներ` և՛ մարդկային, և՛ տարածքային. Տիգրան Աբրահամյան. ԷՔՍԿԼՅՈւԶԻՎ (ՎԻԴԵՈ)
Ու՞մ դեմ են վերջին օրերի Ադրբեջանի սադրանքները, ինչքանո՞վ է վտանգված ՀՀ-ի և Արցախի անվտանգությունը, այս և այլ թեմաների շուրջ զրուցել ենք «Հենակետ» վերլուծական կենտրոնի ղեկավար, Արցախի նախագահի նախկին խորհրդական Տիգրան Աբրահամյանի հետ. էՔՍԿԼՅՈՒԶԻՎ. ՎԻԴԵՈ