Երևանում երիտասարդները գիշերը պատուհանով մտել են տուն, վիճել տանտերերի հետ ու կողոպտել (ՎԻԴԵՈ)
10:33
07 Մայիսի 2020
ԵՐԵՎԱՆ, 7 մայիսի./Նովոստի–Արմենիա/. Մարտի 31-ին Մալաթիա-Սեբաստիա վարչական տարածքում կողոպուտ էր կատարվել, հաղորդում է ՀՀ ոստիկանության մամուլի ծառայությունը:
Առավոտյան ժամը 6-ի սահմաններում օպերատիվ կառավարման կենտրոնից ոստիկանության Մալաթիայի բաժին հաղորդում էր ստացվել, որ Շահումյանի 4-րդ փողոցի տներից մեկը գողեր են մտել ու քիչ անց փախել:
Օպերատիվ խումբը մեկնել էր նշված հասցե: Պարզվել էր` նույն օրը, ժամը 05.30-ին, երկու տղամարդ պատուհանով մտել էին տուն, և երբ տանտերերը նկատել էին նրանց, վիճել էին տան անդամների հետ, բացահայտ հափշտակել ձեռքի ժամացույցներ, 100.000 դրամ և դիմել էին փախուստի:
Загружается новость ... "Лево"
«Կողոպուտը կատարած անձանց և գողոնը հայտնաբերելու ուղղությամբ իրավապահները ծավալուն հետախուզական միջոցառումներ ձեռնարկեցին: Որոնողական աշխատանքներին միացան ոստիկանության Երևան քաղաքի վարչության քրեական հետախույզները, և ամիսներ անց փոխգործակցությունը դրական արդյունք տվեց», – նշվում է գերատեսչության հաղորդագրության մեջ:
Տեղեկություններ ստացվեցին, որ կողոպուտը հնարավոր է կատարած լինի Իսակովի պողոտայի 30-ամյա մի բնակիչ` ընկերոջ հետ: Մայիսի 2-ին կասկածվողը բերման ենթարկվեց ոստիկանության Մալաթիայի բաժին և կալանավորվեց:
Հանգամանքները պարզվում են:
Միջոցառումներ են ձեռնարկվում մյուս մասնակցին և գողոնը հայտնաբերելու ուղղությամբ: Հարուցված քրեական գործի նախաքննությունը շարունակվում է:–0–