ԵՐԵՎԱՆ, 8 սեպտեմբերի./Նովոստի–Արմենիա/. Սեպտեմբերի 7-ին, ժամը 22:58-ին Ճգնաժամային կառավարման ազգային կենտրոն տեղեկություն է ստացվել, որ Տավուշի մարզային փրկարարական վարչության մոտակայքում տեղի է ունեցել ՃՏՊ, հաղորդում է ՀՀ ԱԻՆ Փրկարար ծառայությունը։
Загружается новость ... "Лево"
Պարզվել է, որ Մ-4 ավտոճանապարհի Իջևան-Նոյեմբերյան հատվածի 2-րդ կմ-ին բախվել են «Infiniti» (վարորդ՝ Վահագն Մ․) և «Mercedes-Benz E320» (վարորդ՝ Լազր Բ․, ծնված 1978 թ.) մակնիշների ավտոմեքենաները:
Մինչ փրկարարների՝ դեպքի վայր հասնելը «Mercedes-Benz E320» մակնիշի ավտոմեքենայի վարորդը, ուղևորներ Աիդա Բ․-ն (ծնված 1978 թ.) և Լիլի Բ․-ն (ծնված 2015 թ.) ավտոմեքենայից դուրս են բերվել տեղի ուժերով և տեղափոխվել Իջևանի ԲԿ:
«Փրկարարները «Mercedes-Benz E320» մակնիշի ավտոմեքենայից դուրս են բերել ուղևոր Նինա Ղ․-ին (ծնված 1953 թ.) և մոտեցրել շտապօգնության ավտոմեքենային. վերջինս հոսպիտալացվել է Իջևանի ԲԿ: Բժիշկները տուժածների առողջական վիճակը գնահատել են բավարար», – նշվում է գերատեսչության հաղորդագրության մեջ:
Փրկարարները հոսանքազրկել են ավտոմեքենաները և փակել գազի բալոնների փականները:
Տեղեկություն է ստացվել, որ սեպտեմբերի 8-ին, ժամը 00:30-ին Իջևանի ԲԿ է դիմել «Infiniti» մակնիշի ավտոմեքենայի ուղևոր Տիգրան Մ․-ն (ծնված 1993 թ): Բժիշկները նրա առողջական վիճակը գնահատել են բավարար:–0–
