ԵՐԵՎԱՆ, 16 ապրիլի․ /Նովոստի-Արմենիա/․ «Ամերիաբանկը» ստացել է ավելի քան 12 միլիարդ դրամի չափով 200-ից ավելի հայտ՝ որպես պետական աջակցության ծրագրերի մաս, հինգշաբթի հայտնել է մանրածախ բանկինգի տնօրեն Արման Բարսեղյանը:
Ընդհանուր առմամբ, Հայաստանի կառավարությունը հաստատել է կորոնավիրուսի տնտեսական հետևանքները չեզոքացնելու 13 ծրագիր: Դրանցից վեցը վերաբերում են բիզնեսին տնտեսական աջակցությանը (գյուղատնտեսություն, զբոսաշրջություն, ՓՄՁ, միկրոբիզնես և այլ ոլորտներ), իսկ յոթը վերաբերում են բնակչության տարբեր խմբերի սոցիալական աջակցությանը:
Загружается новость ... "Лево"
«Ներկայումս հաստատվել են ավելի քան 4 միլիարդ դրամի դիմումներ, ինչը փաստում է, որ չնայած այն բանին, որ ծրագրերի մեկնարկից ընդամենը մեկ շաբաթ է անցել, արդեն մեծ պահանջարկ կա», - ասել է Բարսեղյանը:
Նա նշել է, որ, ամենայն հավանականությամբ, նախապատրաստական այս փուլի ավարտից հետո տեմպերը արագանալու են:
«Ակնհայտ է, որ այդ միջոցները իրոք պահանջարկ ունեն և կօգնեն նվազագույնի հասցնել և վերացնել համաճարակի տնտեսական հետևանքները», - ասել է մանրածախ բանկինգի տնօրենը:
Բացի դրանից, Բարսեղյանն ասել է, որ առաջիկա օրերին բանկը կթողարկի յուրաքանչյուր ծրագրին նվիրված տեսանյութեր, որոնք հերթականությոմբ ցույց կտան այն քայլերը, որոնք պետք է կատարել պետական աջակցություն ստանալու համար:
Հիշեցնենք, որ Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը կառավարության որոշմամբ երկարաձգվել է (նախկինում գործում էր մարտի 16-ից ապրիլի 14-ը) 2020 թվականի ապրիլի 14-ից ժամը 17:00-ից` 30 օրով՝ մինչև 2020 թվականի մայիսի 14-ը ժամը 17:00-ն ներառյալ ժամկետով:
Ապրիլի 16-ի դրությամբ՝ Հայաստանում կա կորոնավիրուսով վարակման 1159 հաստատված դեպք։ Բուժվել է 358 մարդ, 18 մարդ, ցավոք, մահացել է։–0–
