Կոմունալները տնից վճարելու երեք միջոց
ԵՐԵՎԱՆ, 28 օգոստոսի./Նովոստի–Արմենիա/. Կոմունալները պետք է վճարել ամեն ամիս, և, իհարկե, շատ ավելի հաճելի է վճարումները կատարել տնից, չկանգնել երկար հերթերում` սպասելով, թե երբ կազատվի հերթական պատուհանը։ Հիշու՞մ եք այդ ժամանակները։
Այսօր կան կոմունալները վճարելու տարբեր միջոցներ, որոնք իսկապես ակտուալ են դարձել կորոնավիրուսի պայմաններում, երբ անհրաժեշտ է խուսափել մարդկանց կուտակումներից։
Ժամանակակից տեխնոլոգիաները թույլ են տալիս լուծել այդ խնդիրը, և անմիջապես տնից վճարել կոմունալները` խուսափելով անցանկալի շփումներից։ Բացի այդ, վճարումների այդ տեսակն ավելի հարմար է։ «Նովոստի–Արմենիա» գործակալությունը ներկայացնում է նման վճարումների երեք տարբերակ։
1. Բանկային հավելվածներ
Հաճախորդների համար առավել հարմար են բանկային հավելվածները, որոնք կենցաղում բարձր տեխնոլոգիաների ներդրման տեսակներից են։ Հայաստանի գրեթե բոլոր բանկերն ունեն իրենց բանկային հավելվածները, որոնք թույլ են տալիս արագ և հարմարավետ օգտվել ծառայություններից։
Բացառություն չեն նաև կոմունալները։ Այդ հավելվածներում կան հատուկ բաժիններ, որոնց միջոցով կարելի է վճարել կոմունալները բանկի միջոցով, ընդ որում մաքսիմալ արագ։
Դրա համար պարզապես հարկավոր է բանկային քարտը կցել հավելվածին, և վճարումը կիրականացվի հենց քարտի միջոցով։
2. Վճարային համակարգեր
Հայաստանում գործում են տարբեր վճարային համակարգեր` Тelcell, Easypay, Idram, որոնցից յուրաքանչյուրն առաջարկում է ծառայությունների լայն շրջանակ, այդ թվում` կոմունալների վճարման ծառայություններ։ Հարկ է նշել, որ վճարային համակարգերի միջոցով իրականացվող վճարումները շատ չեն տարբերվում բանկային հավելվածների միջոցով կատարվող վճարումներից։ Այդուհանդերձ, տարբերություններ կան։
– վճարային բոլոր համակարգերն ունեն էլեկտրոնային դրամապանակներ, որոնց պետք չէ կցել բանկային քարտը, ի տարբերություն բջջային հավելվածներից, որտեղ վճարումն իրականացվում է հենց քարտի միջոցով։
- վճարային համակարգերը տրամադրում են հավելյալ ծառայություններ, օրինակ՝ քեշբեք, ինչը բավականին հարմար է վճարողների համար։
- որոշ վճարային համակարգեր առաջարկում են վարկի ձևակերպում իրենց համակարգի միջոցով, ինչի արդունքում հաճախորդը կարող է փոքր վարկ վերցնել և վճարել կոմունալների պարտքը։
Միաժամանակ, որոշ բջջային հավելվածներ առաջարկում են խմբային վճարում իրականացնել ։ Այսինքն՝ նախօրոք միավորել բոլոր կոմունալ ծառայությունները մի խմբում և մեկ ամբողջական հաշիվ ստանալ վճարման համար։ Այդ կերպ կարելի է ժամանակ խնայել կոմունալների յուրաքանչյուր կատեգորիայի համար տվյալները կրկնակի մուտքագրելու վրա։
3. Պահպանողական վճարում
Կոմունալ վճարումների առցանց վճարման ամենապահպանողական միջոցը բանկերի կայքերից օգտվելն է: Խոսքը ոչ թե հատուկ առցանց վճարումների համար օպտիմիզացված մասնագիտացված կայքերի մասին է, այլ` պարզապես բանկի կայքի մասին:
Ի դեպ, սա վճարում կատարելու ամենահարմար տարբերակներից չէ, քանի որ բջջային հավելվածներում անձնական տվյալները հաճախ հնարավոր է պահպանել, և անհրաժեշտ է ընդամենը սեղմել «վճարել» կոճակը, ինչը խորհուրդ չի տրվում անել համակարգիչներում, քանի որ դրանք ավելի շատ են ենթարկվում հարձակումների հակերների կողմից:
Բացի այդ, կայքերի միջոցով, բջջային հավելվածների համեմատ, վճարման գործընթացն ավելի դանդաղ է ընթանում։ Սակայն, մարդկանց զգալի մասը նախընտրում է օնլայն վճարման հենց այդ տարբերակը՝ բջջային հավելվածների փոխարեն։
Նյութը պատրաստվել է ԱՄԻ «Նովոստի–Արմենիա»– ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում։–0–
