Հաջողության հինգ փոքրիկ գաղտնիք

ԵՐԵՎԱՆ, 17 օգոստոսի. /Նովոստի–Արմենիա/. Բոլորը ցանկանում են լինել հարուստ և հաջողակ; Սակայն, ավաղ, հաջողությունը ոչ բոլորին է ժպտում։ Եվ խնդիրն այն չէ, որ ոչ բոլոն են կարողանում շատ գումար վաստակել, այլ այն, որ դրանք ավելացնել և պահպանել հաջողվում է ոչ բոլորին։ «Նովոստի–Արմենիա» գործակալությունն  առաջարկում է հինգ ոչ բարդ կանոն, որոնց հետևելը Ձեզ կօգնի դառնալ հաջողակ և ֆինանսապես ապահովված մարդ։    

1. Երբեք մի զբաղվեք նրանով, ինչը Ձեզ դուր չի գալիս

 Նախքան ապագա մասնագիտությունն ընտրելը, մտածեք, իսկ դուք իսկապե՞ս պատրաստ եք ողջ կյանքը նվիրել հենց այդ գործին։ Ի վերջո, եթե ձեր ընտրության վրա ազդել են ծնողները կամ ընկերները, սակայն այդ մասնագիտությունը Ձեզ դուր չի գալիս, ապա ավելի լավ է սխալներ չանել և չդառնալ հանգամանքների զոհ: Ոչ մի գումար, այդ պարագայում, ձեզ երջանիկ չի դարձնի։ Ձեր կյանքի գործը պետք է Ձեզ ուրախություն, բավարարվածություն պատճառի, բարձրացնի Ձեր ինքնագնահատականը: Այդ դեպքում`հաճույքով կգնաք աշխատանքի և երբեք չեք զգա սարսափելի բարոյական անբավարարվածություն ձեր սխալ ընտրության պատճառով։   

2. Քեզ համար կուռք մի ստեղծիր

Ոչ ոք չի վիճարկում փողի արժեքը, սակայն պետք չէ կենտրոնանալ դրա վրա: Մարդիկ, ովքեր գերագնահատում են փողի դերը, միշտ չէ, որ հաջողակ են լինում։ Կարևորը շատ գումար կուտակելը չէ, այլև դրանք պատշաճ կերպով տնօրինելը: Փողը պետք է աշխատի և եկամուտ բերի։ Ուստի շատ կարևոր է սեփական ֆինանսական միջոցների հաշվառում կատարել, գտնել եկամուտի աղբյուրներ: Հարցն այն չէ, որ պետք է շատ գումար ունենալ, այլ այն, որ չպետք է դրանից կախվածություն ունենալ:

3. Մի վազիր «հեշտ» վաստակի հետևից

Եթե ​փողը ձեզ հեշտությամբ է տրվել, ապա գրեթե միշտ նույն հեշտությամբ էլ անհետանում է։ Անգամ, մեծ գումարը, որը ձեռք է բերվել վիճակախաղում հաղթելու հետևանքով, անգամ ժառանգությունը։ Այս ամենը կարող է արագ հալվել, եթե այդ միջոցները պատշաճ չտնօրինել։ Ընդհանուր առմամբ, մարդկանց բնորոշ է իրականում գնահատել միայն այն, ինչ վաստակել են սեփական աշխատանքով: Միշտ էլ դժվար է բաժանվել փողից և այլ արժեքավոր իրերից, որոնց ձեռքբերման համար մեծ ջանք է ներդրվել: Այս դեպքում, ավելի հավանական է, որ մարդիկ  ճիշտ կկառուցեն իրենց նպատակները և կմտածեն ապագայի մասին:

4. Եղեք լավատես

Միշտ տրամադրվեք հաջողության: Հաջողությունը սիրում է համարձակներին, վճռականներին և լավատեսներին: Նոր սկսած գործում դեմքի տխուր արտահայտությունը, մռայլ տրամադրությունը և վստահության բացակայությունը ցանկացած սկսնակի ամենամեծ թշնամին է:

Գիտնականներն անգամ հայտնաբերել են որոշակի հետաքրքիր օրինաչափություն, ըստ որի` դրական բաներ կատարվում են դրական մարդկանց հետ։ Ցանկացած հաջողության գրավականը ճիշտ կազմած ծրագիրն է, հստակ նախանշված թիրախը, դրան հասնելու հաստատակամությունը և մեծ լավատեսությունը:

 5. Սիրեք ձեզ

Ոչ մի հարստությունը ոչինչ չի արժենա, եթե չկա առողջություն։ Հետևաբար, հոգ տարեք Ձեր մասին, շատ ժամանակ հատկացրեք ինքներդ ձեզ։  Հանգստացեք, զբաղվեք ինքնակրթությամբ, ստացեք դրական էմոցիաներ: Հիշեք, միևնույն է, բոլոր փողերը վաստակել չի լինի: Միշտ էլ կլինեն մարդիկ, ովքեր ավելի հարուստ և ավելի հաջողակ են, քան դուք, սակայն շատ են նաև նրանք, ովքեր այնքան էլ հաջողակ չեն։ Ամեն ինչում պահպանեք հավասարակշռությունը, այդ դեպքում դուք կդառնաք իսկապես անկախ մարդ, ընդ որում` ոչ միայն ֆինանսական առումով: -0-