Շնորհակալություն Հայաստանի կինոակադեմիկոսներին վստահության համար. Ռուբեն Դիշդիշյան

ԵՐԵՎԱՆ, 3 սեպտեմբերի. /Նովոստի-Արմենիա/. «Երկրաշարժ» ֆիլմի պրոդյուսեր Ռուբեն Դիշդիշյանը շնորհակալություն է հայտնել Հայաստանի ազգային կինոակադեմիային «Օսկարի» մրցանակաբաշխությանը ֆիլմն առաջադրելու համար:

«Ընկերներ, սա աներևակայելի լուր է: Հայաստանի ազգային կինոակադեմիան «Երկրաշարժ» մեր ֆիլմն առաջադրել է Օսկարի: Մենք երջանիկ ենք: Շատ շնորհակալ ենք Հայաստանի կինոակադեմիկոսներին վստահության համար: Կփորձենք այն արդարացնել: Առջևում դեռ մեծ ճանապարհ ունենք, բայս սկիզբը դրվել է: Շատ շնորհակալություն ֆիլմի բոլոր ստեղծողներին և մասնակիցներին, ու հատկապես ռեժիսոր Սարիկ Անդրեասյանին»,- գրել է Դիշդիշյանը Facebook-ի իր էջում:

Սարիկ Անդրեասյանի «Երկրաշարժ» ֆիլմն առաջադրվել է «Օսկարի» 89-րդ մրցանակաշխությանը «Լավագույն օտարալեզու ֆիլմ» անվանակարգում:

Բայց այս ժապավենից, մասնագետների դատին էին հանձնվել Ջիվան Ավետիսյանի «Վերջին բնակիչը» և Դավիթ Սաֆարյանի «28:94 տեղական ժամանակ»:

«Երկրաշարժ»-ի օգտին է քվեարկել կինոակադեմիայի 24 անդամներից ինը, նույնքան էլ՝ բոլորի դեմ: Վեցն իրենց ձայնը տվել են «Վերջին բնակչին»:

Սարիկ Անդրեասյանի «Երկրաշարժ» ֆիլմը պատմում է Հայաստանում 1988 թ.-ի դեկտեմբերի 7-ին տեղի ունեցած երկրաշարժի մասին, որի հետևանքով զոհվել է ավելի քան 25 հազար մարդ: Բնական աղետի ֆոնի վրա` ֆիլմը ներկայացնում է 20-ամյա Ռոբերտ Մելքոնյանի (Վիկտոր Ստեփանյան) պատմությունը, որը հայտնվում է փրկարարական ջոկատում մի մարդու հետ, ում մեղքով տարիներ առաջ մահացել են նրա ծնողները: Վաղեմի ողբերգության մեղավորը 45-ամյա Կոնստանտին Բերեժնոյն է, որին ֆիլմում մարմնավորում է դերասան Կոնստանտին Լավրոնենկոն:

«Օսկար» 89-րդ մրցանակաբաշխությունը տեղի կունենա 2017 թ.-ի փետրվարի 26-ին: -0-