Կերամիկական «հեքիաթային» իրերի անհատական ցուցահանդես -տոնավաճառ է անցկացվում Երևանում

ԵՐԵՎԱՆ, 12 դեկտեմբերի. /Նովոստի-Արմենիա/. Ռիտա Խաչատրյանի աշխատանքների «Կավե տեսիլներ» անվանումով «հեքիաթային» կերամիկական իրերի ցուցահանդես -տոնավաճառն է անցկացվում Երևանում դեկտեմբերի 10-20-ը:

Ցուցահանդես-տոնավաճառին ներկայացված են շուրջ 30 տարատեսակ կերամիկական իրեր՝  հեքիաթային գունազարդումներով տարատեսակ սպասք, ինքնատիպ գորտերի և շնիկների տեսքով արձանիկներ, հուշանվերներ և այլ իրեր, որոնք այցելուներին տեղափոխում են հեքիաթային աշխարհ:

«Ես կերամիկայով զբաղվում եմ շուրջ հինգ տարի, սակայն սա իմ առաջին անհատական ցուցահանդեսն է: Ես հասկացել եմ, որ կերամիկայով զբաղվելն ինձ համար կյանքում ամենագլխավոր բանն է, և ես քաջություն ձեռք բերեցի ցույց տալ այն ամենը, ինչ ինձ մոտ ստացվում է», - ասել է Խաչատրյանը «Նովոստի-Արմենիա» գործակալությանը:

Նրա խոսքերով՝ լինելով ռուսաց լեզվի և գրականության մասնագետ, նա թողել է դասախոսությունն ու իր համար ընտրել այլ կոչում, իսկ վերջերս նրա մոտ ցանկություն է առաջացել աշխատել երեխաների հետ և սովորեցնել նրանց աշխատել կերամիկայի հետ, ինքնարտահայտվելու հնարավորություն տալ:

Խաչատրյանն առաջին անգամ հետաքրքրվել է խեցեգործությամբ մի քանի տարի առաջ, երբ Բիշքեկում էր: Մի անգամ նրան հաջողվեց տեսնել, թե ինչպես մի կին երեխաների հետ խեցեգործությամբ է զբաղվում, և նա զարմացել է, թե ինչպիսի արդյունքների կարելի է հասնել կավի օգնությամբ, թե ինչ հեշտությամբ կարելի է զգացմունքներն արտահայտել տարբեր ֆիգուրներ պատրաստելու միջոցով:

Երևան վերադառնալուց հետո Խաչատրյանը սկսել է զբաղվել կերամիկական գործի վարպետ Լիլիթ Խանագյանի հետ, ով նրան սովորեցրել է աշխատել կավի և արծնապակու հետ:

Սկզբից Խաչատրյանը խեցեգործությունը ընկալել է որպես հոբբի և իր աշխատանքները նվիրել է ընկերներին, սակայն շուտով հասկացել է, որ ցանկանում է պրոֆեսիոնալ կերպով զբաղվել այս գործով:

Հեղինակը նաև ընդգծեց, որ աշխատանքներ ստեղծելիս նրան ոգեշնչում են մուլտիպլիկացիոն և հեքիաթային կերպարները:  -0-