Սանկտ Պետերբուրգի ռուսական պետական նվագախումբը համերգներով հանդես կգա Հայաստանում

Օգոստոսի 27-ից սեպտեմբերի 3-ը Երևանում և Գյումրիում համերգներով հանդես կգա Սանկտ Պետերբուրգի ռուսական պետական նվագախումբը, տեղեկանում ենք ՀՀ մշակույթի նախարարության կայքից։

Հաղորդագրության համաձայն, նվագախումբը Հայաստան կայցելի հայ-ռուսական համագործակցության շրջանակներում, երկրի Մշակույթի նախարարության հրավերով։

Երևանյան համերգը տեղի կունենա Ա. Խաչատրյանի անվան համերգասրահում` սեպտեմբերի 2-ին: Ծրագրում ընդգրկված են Պ. Ի. Չայկովսկու, Ո. Գորոդովսկու, Կորոբեյնիկի, Վ. Անդրեևի, Վ. Դմիտրիևի, Մ. Տարիդասի, Ա. Խաչատրյանի, Ն. Ռիմսկի-Կորսակովի ստեղծագործություններից:

Նվագախմբի գեղարվեստական ղեկավարն ու գլխավոր դիրիժորն է ՌԴ վաստակավոր արտիստ Վլադիմիր Պավլովը։

Նվագախմբի կազմում ելույթ կունենան 32 երաժիշտներ, նվագախումբը հիմնականում կնվագի դասական երաժշտություն, այդ թվում Արամ Խաչատրյանի հայտնի «Սուսերով պարը»։ -0-