431.27
5.71
396.02
-1
Եղանակը Երևանում
Հայ

Երևանում լեփ-լեցուն դահլիճներով անցկացվեց «Ռուսական կինոյի օրերը» Russian Film festival ապրանքանիշի ներքո

12:44
25 Հոկտեմբերի 2022

ԵՐԵՎԱՆ, 25 հոկտեմբերի./Նովոստի-Արմենիա/. Երևանում լեփ-լեցուն դահլիճներով անցկացվեց «Ռուսական կինոյի օրերը» Russian Film festival ապրանքանիշի ներքո: Մոսկվա կինոթատրոնում կայացած անվճար ցուցադրություններին մասնակցել է ավելի քան 2000 հանդիսատես:

Дни российского кино.jpg

Ռուսական կինոյի օրերի բացումը իրականացավ «Բուկա, իմ սիրելի հրեշը» անիմացիոն մուլտֆիլմի, ինչպես նաև «Կրակ» հերոսական դրամայի ցուցադրությամբ : Հանդիսատեսի շարքերում կային դպրոցականներ, ինչպես նաև ներկա էին «Հայ օգնության ֆոնդի» սաները: «Նիկա» աղմկահարույց դրամայի ցուցադրությանը ներկա են գտնվել ՀՀ Ժողովրդական արտիստ Միքայել Պողոսյանը, դերասանուհի Լուիզա Ներսիսյանը, կինոռեժիսոր Հովհաննես Գալստյանը, մոդելավորող Դիանա Շատվերյանը: Իսկ փառատոնի յուրօրինակությունն ապահովեց Աննա Մելիքյանի «Քնքշություն» սերիալը, կինոթատրոնում ցուցադրվեցին կատագերկական մելոդրամայի բոլոր սերիաները: Փառատոնի փակումը վստահված էր «Անծանոթի դիմանկարը» նոստալգիկ դրամային:

 «Նիկա», «Քնքշություն», «Կրակ» և «Անծանոթի դիմանկարը» ֆիլմերի ցուցադրության սեանսերի ժամանակ կայացավ ֆիլմերի քննարկում կինոգետ Դիանա Մարտիրոսյանի հետ, որոնց ընթացքում Դիանան և հանդիսատեսը ոգևորությամբ կիսվեցին ֆիմերի մասին իրենց տպավորություններով և պատկերացումներով:

Միջոցառումը, որը ներկայանում էր Russian Film festival ապրանքանիշի ներքո, անցկացվել է հոկտեմբերի 21-ից 23-ը և կազմակերպել է ՌՈՍԿԻՆՈ-ն՝ ՌԴ մշակույթի նախարարության աջակցությամբ:

«Ռուսական կինոյի օրերի» ծրագիրը Հայաստանում փառատոնը ներառում էր  հետևյալ ֆիլմերը՝

- «Քնքշություն» (ռեժ. Աննա Մելիքյան, 2020 թ.): Մելոդրամատիկ սերիալ։ Պատահական գործուղման ժամանակ միայնակ գործարար Ելենան հանդիպում է իր երազանքների տղամարդուն և նույնքան անսպասելիորեն կորցնում է նրան: Ելենան սկսում է փնտրել նրան բոլոր հնարավոր և անհնարին ձևերով: Օգտագործում է ամեն ինչ՝ տրամաբանություն, էզոթերիզմ, ընկերների օգնություն, նոր տղամարդու հետ ծանոթություն, փախուստ, ճանապարհորդություն և շատ ավելին: «Քնքշությունը» առանձնանում է աստղային դերասանական կազմով՝ Վիկտորյա Իսակովա, Եվգենի Ցիգանով, Կոնստանտին Խաբենսկի, Աննա Միխալկովա, Յուլիա Պերեսիլդ, Ռավշանա Կուրկովա և այլ աստղեր: Հեգնական սերիալը նկարահանվել է սեւ ու սպիտակ ոճով iPhone-ով։ Այս տեխնիկան ռեժիսորին հնարավորություն է տվել հատուկ վստահության մթնոլորտ ստեղծել նկարահանման հրապարակում և հեռուստադիտողին որոշ չափով տեղափոխել խորհրդային լիրիկական կինոյի մթնոլորտ։

– «Անծանոթի դիմանկարը» (ռեժ. Սերգեյ Օսիպյան, 2022) անհաջողակ դերասանի պատմություն է, ով 1976 թվականին Մոսկվայում հանդիպում է մի խարիզմատիկ գրողի, կենդանի դասականի, ով իր կյանքը վերածում է ողբերգական ֆարսի: Ֆիլմը՝ «Օտարի դիմանկարը», Սերգեյ Օսիպյանի և բոլոր ստեղծողների կողմից նվիրվում է իրենց  ծնողներին և  70-ականների ռոմանտիկ շրջանին, որը լի էր մտավորականությամբ,  տաղանդավոր մարդկանցով և  ուրախ հայտնագործություններով։ Նախագծի յուրահատկությունն այն է, որ նկարահանումներում ներգրավված են եղել մոսկովյան «Պյոտր Ֆոմենկոյի արհեստանոց»֊ի ամբողջ թատերախումբը և  թատրոնի բազմաթիվ աշխատակիցներ։

– «Կրակ» (ռեժ. Ալեքսեյ Նուժնի, 2020 թ.): Դրամա է՝ իրական հերոսների մասին լայնածավալ նկարահանումներով։ Գլխավոր դերում՝ Կոնստանտին Խաբենսկի՝ Ռուսաստանի ամենահայտնի դերասաններից մեկը, որը խաղացել է 100-ից ավելի կինոդերեր: Հրշեջների սխրագործության և կրակի տարերքի դեմ պայքարի մասին ֆիլմը տպավորում է վիզուալ էֆեկտներով և բարդ հնարքներով, իսկ դերասանների հոյակապ խաղը ստիպում է ձեզ կարեկցել հերոսներին և շունչը պահած հետևել ծավալվող դրամային մինչև վերջնական կադրը: Երիտասարդ սկսնակ փրկարարի դերը խաղում է հայտնի դերասանական դինաստիայի ներկայացուցիչ, խորհրդային և ռուս ականավոր դերասան Օլեգ Յանկովսկու թոռը՝ Իվան Յանկովսկին։ «Կրակ» ֆիլմում կատարած աշխատանքի համար Իվան Յանկովսկին արժանացել է «Ոսկե արծիվ» մրցանակի՝ որպես երկրորդ պլանի լավագույն դերասան։

– «Նիկան» (ռեժ. Վասիլիսա Կուզմինա, 2022) դրամա է՝ հիմնված իրական իրադարձությունների վրա։ Մանուկ հասակում Նիկա Տուրբինան մոր հետ շրջագայել է Խորհրդային Միությունում՝ կարդալով նրա բանաստեղծությունները․ պոեզիայի սիրահարներով լի մարզադաշտեր, բոհեմական երեկույթներ, հանդիպումներ հայտնի մարդկանց հետ․․․  Ութամյա հրաշամանուկը, զարմացնում էր ոչ մանկական տխրությամբ և սուր տողերով... Եվ ահա  Նիկան այժմ 27 տարեկան է: ԽՍՀՄ-ն այլևս չկա, ինչպես չկա մանկություն, չկա փառք, և որ ամենադժվարն է,  չկա ոգեշնչում: Նիկան այլևս չի գրում և փորձում է հասկանալ ինքն իրեն. ո՞ւր կորավ նրա «ձայնը», ինչու՞ նա այլևս չի զգում մոր սերը և կարո՞ղ է երբևէ երջանիկ լինել, ինչպես բոլորը:

«Նիկա» ֆիլմը մասնակցել է «ՌՈՍԿԻՆՈՅԻ» Focus On Festivals նախագծին, որն ուղղված է միջազգային փառատոններում հեղինակային ֆիլմերի մասնկացությունը խթանելուն. այս նախաձեռնության շնորհիվ 2021 թվականի վերջին այն ընդգրկվել է Եվրոպական Les Arcs Film Festival֊ի (Ֆրանսիա) ծրագրում և մրցանակակիր է դարձել Work in Progress ծրագրում: 2022 թվականի մարտին Ելիզավետա Յանկովսկայան՝ գլխավոր դերասանուհին, ստացավ ժյուրիի հատուկ մրցանակը «Հարավից հարավ-արևմուտք» (SXSW) կինոփառատոնում լավագույն դերասանական վարպետության համար։

- «Բուկա, իմ սիրելի հրեշը» (ռեժ. Վիկտոր Գլուխուշին, Մաքսիմ Վոլկով, 2022 թ.): Անիմացիոն արկածային հեքիաթ է կամակոր արքայադուստր Վարվառայի մասին, որ փախել է պալատից և գնացել անտառ՝ փնտրելու գեղեցիկ արքայազնին։ Սակայն սիրելիի հետ նվիրական հանդիպման փոխարեն նրան գերում է թագավորության ամենավտանգավոր ավազակ Բուկան։ Բայց շատ արագ պարզ է դառնում, որ աշխույժ արքայադուստրը պատրաստ է Բուկայի կյանքը վերածել մղձավանջի, միայն թե հասնի իր նպատակին։ Այսպիսով, անհանգիստ Վարվառան սկսում է հաստատել իր կարգը անտառում։ Մուլտֆիլմը վաճառվել է աշխարհի գրեթե հարյուր երկրում։

Дни российского кино 1.jpg

Տեղեկություն

«Ռուսական կինոյի օրերը» Russian Film Festival  ապրանքանիշի ներքո (https://rff.online) արտասահմանում ֆիլմերի օրեր են, որ անցկացվում են 2020 թվականից «ՌՈՍԿԻՆՈ»-ի կողմից՝ Ռուսաստանի Դաշնության մշակույթի նախարարության աջակցությամբ։ RFF-ի հիմնական նպատակն է օտարերկրյա հեռուստադիտողին ծանոթացնել ժամանակակից ռուսական բովանդակության բազմազանությանը` տարբեր ժանրերի գեղարվեստական ֆիլմերից, սերիալներից մինչև անիմացիա և վավերագրական ֆիլմեր: 2020-2022 թթ փառատոնն անցկացվել է 26 երկրում՝ ներգրավելով ավելի քան 6,5 միլիոն հեռուստադիտողի։ RFF ձևաչափը ներառում է ինչպես առցանց ցուցադրություններ, այնպես էլ անցանց միջոցառումներ:

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
20:32
01 Փետրվարի 2023
Հայտնի է, թե ով կներկայացնի Հայաստանը «Եվրատեսիլ 2023»-ում (ՎԻԴԵՈ)
Հայտնի է, թե ով կներկայացնի Հայաստանը «Եվրատեսիլ 2023»-ում. ՎԻԴԵՈ
12:53
25 Հունվարի 2023
Ամերիկացի հայտնի ռեժիսոր Արի Աստերը «Արևադարձ» ֆիլմը ստեղծելիս ոգեշնչվել է Փարաջանովի «Նռան գույն»–ից
Ամերիկացի հայտնի ռեժիսոր Արի Աստերը «Արևադարձ» ֆիլմը ստեղծելիս ոգեշնչվել է Փարաջանովի «Նռան գույն»–ից
11:10
16 Հունվարի 2023
«Դադարեցրեց շրջափակումը». Ռոզա Լինը ելույթ է ունեցել լոսանջելեսյան հեղինակավոր փառատոնին` կոչ անելով դադարեցնել Արցախի շրջափակումը (ՎԻԴԵՈ)
Ռոզա Լինը ելույթ է ունեցել լոսանջելեսյան հեղինակավոր փառատոնին` կոչ անելով դադարեցնել Արցախի շրջափակումը. ՎԻԴԵՈ
20:55
14 Հունվարի 2023
Մահացել է ԽՍՀՄ ժողովրդական արտիստ Իննա Չուրիկովան
79 տարեկանում մահացել է ԽՍՀՄ ժողովրդական արտիստ Իննա Չուրիկովան
16:36
20 Դեկտեմբերի 2022
ԳեոՊրոՄայնինգ Գոլդը Երևանի երաժշտական քոլեջի և Արարատի արվեստի մասնագիտացված դպրոցի համագործակցության հովանավոր (ՎԻԴԵՈ)
Դեկտեմբերի 16-ը Արարատի՝ Ղազարոս Սարյանի անվան միջնակարգ մասնագիտացված դպրոցի համար պատմական էր. ՎԻԴԵՈ
21:19
11 Դեկտեմբերի 2022
Հայաստանը զբաղեցրեց 2-րդ տեղը «Մանկական Եվրատեսիլ 2022» երգի մրցույթում. հաղթող ճանաչվեց Ֆրանսիան (ՎԻԴԵՈ)
Հայաստանը զբաղեցրեց 2-րդ տեղը «Մանկական Եվրատեսիլ 2022» երգի մրցույթում. հաղթող ճանաչվեց Ֆրանսիան. ՎԻԴԵՈ
20:20
11 Դեկտեմբերի 2022
Նարեն փայլուն ելույթ ունեցավ Երևանում անցկացվող «Մանկական Եվրատեսիլ-2022» երգի միջազգային մրցույթում (ՎԻԴԵՈ)
Նարեն փայլուն ելույթ ունեցավ Երևանում անցկացվող «Մանկական Եվրատեսիլ-2022» երգի միջազգային մրցույթում. ՎԻԴԵՈ
19:03
11 Դեկտեմբերի 2022
Երևանում մեկնարկեց «Մանկական Եվրատեսիլ 2022» հոբելյանական մրցույթը
Երևանում մեկնարկեց «Մանկական Եվրատեսիլ 2022» հոբելյանական մրցույթը
19:46
05 Դեկտեմբերի 2022
Հանրապետության հրապարակում մեկնարկել է «Մանկական Եվրատեսիլ 2022»-ի բացման արարողությունը (ՈՒՂԻՂ)
Հանրապետության հրապարակում մեկնարկել է «Մանկական Եվրատեսիլ 2022»-ի բացման արարողությունը. ՈՒՂԻՂ
15:06
05 Դեկտեմբերի 2022
Հավատա հրաշքին. ներկայացվել է «Մանկական Եվրատեսիլ 2022-ի» բեմը (ՖՈՏՈ)
Հավատա հրաշքին. ներկայացվել է «Մանկական Եվրատեսիլ 2022-ի» բեմը. ՖՈՏՈ
11:44
01 Դեկտեմբերի 2022
Հայկական «Բերդ» պարը ներկայացվել է Հոլիվուդի հեղինակավոր Սուրբծննդյան շքերթին (ՎԻԴԵՈ)
Հայկական «Բերդ» պարը ներկայացվել է Հոլիվուդի հեղինակավոր Սուրբծննդյան շքերթին. ՎԻԴԵՈ
16:40
25 Նոյեմբերի 2022
Վլադիմիր Սպիվակովը հրավիրում է բարեգործական համերգի՝ ի աջակցություն Զինվորի տանը բուժվող զինվորների
Նախագիծը իրականացվում է Արդշինբանկ և ԳեոՊրոՄայնինգ ընկերության աջակցությամբ