«Մոդերն Թոքինգ»-ը Երևանում 28 տարվա ընդմիջումից հետո (ՎԻԴԵՈ)

ԵՐԵՎԱՆ, 28 մարտի. /Նովոստի Արմենիա/.28 տարվա ընդմիջումից հետո «Մոդերն Թոքինգ»-ը հանդես եկավ Երևանում:

«Անհավատալի, ֆանտաստիկ զգացողություններ ունեմ: Հայաստան եմ հասել այս առավոտ ու գիտեք` ամբողջ ճանապարհին մտածում էի այն մասին, որ վերջին անգամ այստեղ եղել եմ 28 տարի առաջ. երջանիկ եմ, որ վերադարձել եմ: Շատ բաներ փոխվել են, բայց ձեր սերը մնացել է նույնը», - համալիրի բեմից հայտարարել է սիրված երգիչը: Համերգից հետո նա նաև գրառում է կատարել Facebook-ի իր էջում, հրապարակելով բեմից նկարած տեսանյութ:

Համերգը անցել է լեփ-լեցուն դահլիճում ու բարձր տրամադրությամբ: Երգիչը ներկայացրել է ինչպես հին ու սիրված` You're My Heart, You're My Soul, Cheri Cheri Lady, Brother Louie, No Face, No Name, No Number, այնպես էլ նոր երգեր: Համերգը կայացել է համաշխարհային շրջագայության շրջանակում։ -0-