ԵՐԵՎԱՆ, 9 մայիսի. /Նովոստի Արմենիա/. Հայաստանի պաշտպանության նախարարի պաշտոնակատար Վիգեն Սարգսյանը չորեքշաբթի լրագրողների հետ հանդիպմանը մեկնաբանել է սոցիալական ցանցերում տարվող այն քննարկումները, որ ԱԻ նախարարի պաշտոնակար Դավիթ Տոնոյանը կարող է նշանակվել պաշտպանության նախարարի պաշտոնում:
Ավելի վաղ «Ելք» խմբակցության պատգամավոր Արարատ Միրզոյանը Facebook-ի իր էջում հայտարարել է, որ Տոնոյանը հիանալի թեկնածու է պաշտպանության նախարարի պաշտոնի համար: Դրանից հետո Հայաստանի ԱԻՆ-ը տարածել է Տոնոյանի արձագանքն այդ առաջարկին, որտեղ նա նշել է, որ լինելով կառավարական թիմի անդամ կատարում է ԱԻՆ-ի ղեկավարի պարտականություններն ու շարունակում է դա անել:
«Դավիթ Տոնոյանի հետ մենք ծանոթ ենք արդեն 19 տարի: Նա շատ լավ գիտի պաշտպանության նախարարությունը, նա ծառայել է այստեղ, նա ճանապարհ է անցել ու փորձ ունի: Ինձ հաար շատ հարմար կլինի տեսնել Դավիթ Տոնոյանին պաշտպանության նախարարի պաշտոնում, քանի որ նա համեմատելու հնարավորություն կունենա, կկարողանա տեսնել այն գործը, որը իրականացվել է այստեղ վերջին մեկուկես տարվա ընթացքում և գնահատել այս աշխատանքի արդյունավետությունը», - հայտարարեց Սարգսյանը:
Միաժամանակ Սարգսյանը նշեց, որ նրա համար անհասկանալի է Տոնոյանի արձագանքը Արարատ Միրզոյանի հայտարարությանը:
«Ինչպես արդեն նշեցի, պաշտպանության նախարարի պաշտոնը վարձու գործ չէ, դա քաղաքական պաշտոն է: Ու, չնայած դրան, կուսակցական է նախարարը, թե ոչ, նա քաղաքական թիմի անդամ է: Ինձ համար մի փոքր տարօրինակ էր Տոնոյանի պատասխանն Արարատ Միրզոյանի հայտարարությանը: Դա նշանակում է բաց թողնել դռները քաղաքական բանակցությունների համար` լինելով կառավարության անդամ: Ես ինքս համարում եմ` դա տաբու է, և երբեք այդպես չեմ արել և չեմ անելու: Սակայն դա իր որոշումն է», - հայատարարեց Սարգսյանը:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
