ԵԱՀԿ ՄԽ ռուս և ամերիկացի համանախագահները ժամանում են Բաքու
ԵՐԵՎԱՆ, 20 ապրիլի. /Նովոստի-Արմենիա/. ԵԱՀԿ Մինսկի խմբի ամերիկացի համանախագահ Ռոբերտ Բրադտկեն և ռուս համանախագահ Յուրի Մերզլյակովը երեքշաբթի ժամանում են Բաքու, տեղեկացրել է Ադրբեջանի ԱԳՆ ղեկավար Էլմար Մամեդյարովը Թուրքիայի ԱԳՆ ղեկավար Ահմեդ Դավութօղլուի հետ հանդիպումից հետո կայացած ճեպազրույցում, տեղեկացնում է «Նովոստի-Ազերբայջանը»։
Մամեդյարովի խոսքերով, ԵԱՀԿ Մինսկի խմբի ֆրանսիացի համանախագահ Բեռնար Ֆասիեն Բաքու չի ժամանի։
Ինչպես նշել է նախարարը, նախատեսված են համանախագահների հանդիպումներ Ադրբեջանի պաշտոնատար անձանց հետ։ Հանդիպումների շրջանակներում տեղի կունենան Լեռնային Ղարաբաղի հակամարտության կարգավորման հարցերի քննարկումներ։
Սա Յուրի Մերզլյակովի վերջին այցն է տարածաշրջան՝ համանախագահի պաշտոնում։
ԵԱՀԿ ՄԽ համանախագահներ Ռոբերտ Բրադտկեն (ԱՄՆ), Բերնար Ֆասիեն (Ֆրանսիա) և Յուրի Մերզլյակովը (Ռուսաստան) մարտի 26-27-ն այց են կատարել Երևան և Ստեփանակերտ։ -0-
