ԵՐԵՎԱՆ, 20 մարտի. /Նովոստի-Արմենիա/. Ռուսաստանցի Կոսինցևայի և Հայաստանի ներկայացիցիչ Լիլիթ Մկրտչյանի միջև եզրափակիչ մենամարտում կորոշվի Սանկտ-Պետերբուրգում անցկացվող Եվրոպայի շախմատի առաջնության հաղթողը, հաղորդում է «ՌԻԱ Նովոստին»։
Շվեյցարական համակարգով անցկացված և 168 մասնակից հավաքած մրցաշարի 11 փուլերի արդյունքներով Կոսինցևան և Մկրտչյանը կիսեցին առաջին տեղը՝ հավաքելով 8,5-ական միավոր հնարավոր 11-ից։ Եվրոպայի չեմպիոնը կորոշվի արագ շախմատի արդյունքներով։
8-ական միավոր են հավաքել յոթ շախմատիստուհիներ՝ ռուս Եկատերինա Կովալևսկայայան, Նատալյա Պոգոնինան, Տատյանա Շադրինան և Եվգենիա Օվոդը, լեհուհիներ Իվետա Ռայլիխը և Մոնիկա Սոչկոն, ինչպես նաև վրացուհի Մայա Լոմինեիշվիլին, ովքեր նոկաուտ-համակարգի լրացուցիչ փուլում կորոշեն մրցաշարի բրոնզե մրցանակակրին։ -0-
