Շնորհակալություն այս ջերմ ընդունելության համար․ Մակրոնը երևանյան զբոսանքից տեսանյութ է հրապարակել և հայերեն գրառում կատարել (ՎԻԴԵՈ)
ԵՐԵՎԱՆ, 4 մայիսի․/Նովոստի–Արմենիա/․ Երևանում գտնվող Ֆրանսիայի նախագահ Էմանուել Մակրոնը հայերեն գրառում է կատարել Instagram-յան իր էջում և հրապարակել տեսանյութ, որտեղ երևում է, թե ինչ ջերմ են ընդունում նրան երևանցիները։
Մակրոնը իր գրառման մեջ հայտնել է Հայաստանի հետ ռազմավարական գործընկերության ամրագրման մասին։
«Եվրոպական քաղաքական համայնքի շրջանակներում, մենք կշարունակենք կառուցել ավելի ինքնիշխան Եվրոպա։ Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջև»,- գրել է Մակրոնը։
Նա նաև հայտնել է, որ շատ ուրախ է կրկին Հայաստանում գտնվելու համար և շնորհակալություն է հայտնել ջերմ ընդունելության համար։
Հիշեցնեք, որ Ֆրանսիայի նախագահ Էմանուել Մակրոնը Եվրոպական քաղաքական համայնքի 8-րդ գագաթնաժողովի շրջանակում պաշտոնական այցով գտնվում է Հայաստանում։
Մակրոնը Հայաստան է այցելել մեկ անգամ՝ 2018 թվականի հոկտեմբերին, երբ նա Երևան էր ժամանել Ֆրանկոֆոնիայի գագաթնաժողովին մասնակցելու նպատակով։
Գագաթնաժողովի մասին
Գագաթնաժողովի հիմնական թեման ձևակերպված է որպես «Կերտելով ապագան. միասնություն և կայունություն Եվրոպայում»։ Օրակարգի շրջանակում մասնակիցները քննարկում են ժողովրդավարական կայունության ամրապնդման, տրանսպորտային և թվային կապի զարգացման, տնտեսական և էներգետիկ անվտանգության, ինչպես նաև տարածաշրջանային ու աշխարհաքաղաքական մարտահրավերների վերաբերյալ հարցեր։
Գագաթնաժողովի ծրագիրը ներառում է լիագումար նիստեր, կլոր սեղաններ և երկկողմ հանդիպումներ։ Արդյունքներով ակնկալվում են հայտարարություններ մամուլի համար։
Եվրոպական քաղաքական համայնքը ոչ պաշտոնական հարթակ է Եվրոպայի երկրների և գործընկերների միջև երկխոսության համար և չի նախատեսում իրավաբանորեն պարտադիր որոշումների ընդունում։
