Jardins d'Arménie հայկական ռոյալ բրենդին՝ Մոնտե-Կառլոյի հեռուստատեսային փառատոնին

ԵՐԵՎԱՆ, 23 հունիսի․/Նովոստի–Արմենիա/․ Pogossian Luxury Brand House-ն իր Jardins d’Arménie-ի բրենդով Մոնտե-Կառլոյի 65-րդ հեռուստատեսային փառատոնին հանդես է եկել որպես Բյուրեղյա գործընկեր ( Crystal Partner)` ներկայացնելով հայկական ժառանգությունը, վարպետությունն ու մշակութային գերազանցությունը Մոնակոյի ամենահեղինակավոր միջազգային հարթակներից մեկում։

Մոնակոյում բրենդը ներկայացնում էր Արմեն Պողոսյանը, ով միջազգային փառատոնին մասնակցեց մի շարք հատուկ միջոցառումների՝ միտված հյուրերին ծանոթացնելու հայկական ժառանգությանը, արհեստագործական ավանդույթներին, բրենդի փիլիսոփայությանն ու արժեքներին:

«Մոնակոն վաղուց ի վեր այն եզակի միջավայրներից է, որտեղ միավորվում են մշակույթը, ստեղծարարությունն ու տարբեր աշխարհայացքները: Մոնտե-Կառլոյի հեռուստատեսային փառատոնին մասնակցությունը բնական շարունակությունն է այն արժեքների, որոնք Jardins d’Arménie-ի ոգեշնչման հիմքում են։ Փառատոնը բացառիկ հարթակ է մեր պատմությունը ներկայացնելու և մշակույթներով փոխանակվելու համար։ Այն հնարավորություն է տալիս մեզ միջազգային լսարանին ճանաչելի դարձնել Հայաստանի հարուստ ժառանգությունն ու խուսույթը, ամրապնդել մեր ներկայությունը Մոնակոյում»,– նշել է Pogossian Luxury Brand House-ի համասեփականատեր Արմեն Պողոսյանը:

Փառատոնի ընթացքում Արմեն Պողոսյանը հանդիպումներ է ունեցել միջազգային առաջատար լրատվամիջոցների ներկայացուցիչների, գործընկերների և նշանավոր հյուրերի հետ՝ նպաստելով բովանդակալից երկխոսության մշակույթի, ստեղծարարության և Jardins d’Arménie-ի պատմության շուրջ՝ բրենդի, որն առաջնորդվում է աուտենտիկության, գերազանցության և ժամանակի արժեքի գնահատման սկզբունքներով։

Մոնտե-Կառլոյի հեռուստատեսային փառատոնը աշխարհում մեդիա ոլորտի կարևոր իրադարձություններից մեկն է, որն արդեն 65 տարի Մոնակոյի Թագավորությունում համախմբում է ճանաչված դերասանների, պրոդյուսերների, հեռարձակողների, ստեղծագործողների և ոլորտի առաջատարների։

Փառատոնի շրջանակում Մոնակոյում էր նաև «Jardins d’Arménie»-ի բրենդի դեսպան, հայտնի գրոսմայստեր Լևոն Արոնյանը: Որպես համաշխարհային շախմատի ամենաազդեցիկ դեմքերից մեկը՝ Արոնյանը մարմնավորում է ճիշտ այն արժեքները, որոնք ձևավորում են բրենդի փիլիսոփայությունը՝ կատարելություն, կարգապահություն և բարձր ինտելեկտուալ մշակույթ։

«Շատ ուրախ էի մասնակցել Փառատոնին և լինել այդքան նշանավոր և հաջողությունների հասած մարդկանց միջավայրում։ Հայկական բրենդին և շախմատը միշտ համարել եմ մեր երկրի խորհրդանիշներից. հպարտ եմ տեսնել, թե ինչպես են այս երկու աշխարհները միավորվում Jardins d’Arménie-ի շնորհիվ։ Ինձ ամենաշատը տպավորեց այն, թե ինչպես էին միջազգային հյուրերը բացահայտում մի յուրահատուկ, իրենց համար սովորականից զգալիորեն տարբերվող փորձառություն», – նշել է Լևոն Արոնյանը՝ Jardins d’Arménie-ի բրենդի դեսպանը։

Մոնտե-Կառլոյի Հեռուստատեսային Փառատոնի հետ համագործակցությունը համընկավ Մոնակոյում բրենդի ներկայության ընդլայնման նոր փուլի հետ։ Այսուհետ Jardins d’Arménie-ն ներկայացված է նաև Մոնակոյի ամենահեղինակավոր և հնագույն գինու ու բացառիկ խմիչքների մասնագիտացված խանութներից մեկում՝ GCM (Grands Chais Monégasques) -ում։

Լուսանկարները՝ 65 E Festival de Television de Monte-Carlo–ի