ՀՀ-ում արտակարգ դրության երկարաձգումը 4-րդ անգամ, Գյումրու ջրհեղեղը, հայ-ադրբեջանական սահմանի լարված իրավիճակը․ ամփոփում ենք նախորդ շաբաթվա լրահոսը
09:00
18 Հուլիսի 2020
ԵՐԵՎԱՆ, 18 հուլիսի./Նովոստի–Արմենիա/. Ներկայացնում ենք նախորդ շաբաթվա կարևոր նորությունների հնգյակը (հուլիսի 13–ից 17–ը)։
Հուլիսի 12-ից հայ-ադրբեջանական սահմանին Ադրբեջանը Հայաստանի դեմ ագրեսիվ գործողություններ է կատարում: Ադրբեջանի ԶՈՒ-ն սահմանային դիրքը գրավելու մի քանի փորձ է կատարել տանկի, հրետակոծության, հաուբիցի, անօդաչու թռչող սարքերի և «Գրադ»ՀԿՌՀ-ի օգտագործմամբ: Հակառակորդը հրետակոծում է հայկական հենակետերը, նաև թիրախավորում բնակելի տարածքներ՝ Չինարի, Այգեպար, Ներքին Կարմիրաղբյուր և Պառավաքար գյուղերը, ինչպես նաև Բերդ քաղաքը: Հարվածի տակ են հայտնվել Տավուշի երկու ձեռնարկություն: Հայկական ԶՈւ-ն համարժեք պատասխան է տալիս պարբերաբար կրկնվող հրետակոծություններին և ճնշում հակառակորդի ակտիվությունը: ՀՀ ԶՈՒ-ն ոչնչացրել է Ադրբեջանի ԶՈՒ-ի 13 հարվածային ԱԹՍ:Հուլիսի 16-ի գիշերը հակառակորդը դիվերսիոն փորձ է ձեռնարկել, որը թեժ մարտից հետո կանխվել է ՀՀ ԶՈՒ-ի կողմից և թշնամին, կորուստներ կրելով, հետ է շպրտվել: Դրան հաջորդել է Այգեպար և Մովսես գյուղերի հրետակոծությունը ՝ ականանետի և Դ-30 հաուբիցի կիրառմամբ: ՀՀ ԶՈՒ-ի կողմից խոցվել է հակառակորդի տանկ, հրետանային և ականանետային մարտկոցների կրակային դիրքեր: Հակառակորդի կրակոցից զոհվել են մայոր Գարուշ Վեմիրի Համբարձումյանը, կապիտան Սոս Փայլակի Էլբակյանը, ժամկետային զինծառայողներ՝ կրտսեր սերժանտ Սմբատ Գևորգի Գաբրելյանը և կրտսեր սերժանտ Գրիշա Վահանի Մաթևոսյանը: Քաղաքացիական բնակչության շրջանում զոհեր չկան, հուլիսի 16-ին հակառակորդի անօդաչուի հարվածից վիրավորում է ստացել Չինարի գյուղի բնակիչ: Ադրբեջանում պաշտոնապես հաստատվել է 11 զոհ:
ՀՀ-ում արտակարգ դրությունը երկարաձգվեց 4-րդ անգամ (ՎԻԴԵՈ)
Գյումրիում հորդառատ անձրև և կարկուտ է տեղացել, ինչ հետևանքով քաղաքի փողոցները լցվել են ջրով (ՖՈՏՈ, ՎԻԴԵՈ)
ԱԱԾ-ն հայտնել է, որ 10 օր առաջ կորած ՀՀ քաղաքացի Ն.Սարդարյանը գերեվարվել է Ադրբեջանի կողմից
Ադրբեջանի նախագահ Իլհամ Ալիևը ԱԳ նախարարի պաշտոնից ազատել է Էլմար Մամեդյարովին և ԱԳ նոր նախարար նշանակել՝ Ջեյհուն Բայրամովին