Հայաստանը սկսել է ընկալվել որպես ամենաորակյալ չրերն արտադրող երկիր. Փաշինյան
ԵՐԵՎԱՆ, 3 սեպտեմբերի․ /Նովոստի–Արմենիա/․ Հայաստանը սկսել է ընկալվել որպես ամենաորակյալ չրերն արտադրող երկիր, հայտարարել է ՀՀ վարչապետ Նիկոլ Փաշինյանը։
«Հիմա, բացի մեր պատկերացրած չրերից, չոր մրգերի արտադրանքներ կան, որոնք շատ հետաքրքիր են։ Ես տարբեր տեղերից անընդհատ լսում եմ, որ հետաքրքրություն կա։ Սա հետաքրքիր ուղղություն է»,- ասաց Փաշինյանը կառավարության նիստի ժամանակ։
Նրա խոսքով՝ չրերի և չորացված մթերքների դեպքում պահպանման ժամկետների առումով ավելի մեծ ճկունություն կա, և անհրաժեշտ է այդ հանգամանքին ուշադրություն դարձնել։
«Այդ չիրը կարելի է պահել, և համապատասխան սեզոնին ավելի մեծ գլոբալ պահանջարկ կձևավորվի»,- նշեց վարչապետը։
Փաշինյանը նաև ընդգծեց, որ թարմ մրգի և բանջարեղենի սեզոնի ավարտից հետո անհրաժեշտ է արդեն չրի և պահածոների արտահանման աջակցության ծրագրեր իրականացնել։
