Եվս 2 մարտական հաշվարկ է մեկնել «Մալաթիա մոլ», տուժածներից 2-ը ծխահարվել են

ԵՐԵՎԱՆ, 24 օգոստոսի. /Նովոստի-Արմենիա/. «Մալաթիա մոլ»-ում բռնկված հրդեհը մարելու նպատակով դեպքի վայր է մեկնել ևս երկու մարտական հաշվարկ, հայտնում է ԱԻՆ մամուլի ծառայությունը:

«Անհրաժեշտությունից ելնելով դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, այնուհետև՝ ևս երկու մարտական հաշվարկ»,- նշվում է հաղորդման մեջ:

Հրդեհի մասին ահազանգը ստացվել է շաբաթ ժամը 15:47-ին:


4 անձ տեղափոխվել է «Աստղիկ» բժշկական կենտրոն։ Վերջիններս լուրջ վնասվածքներ չունեն և ստանում են առաջին օգնություն։

Եվս 2 տուժած պետք է տեղափոխվեր Ճառագայթային բժշկության և այրվածքների գիտական կենտրոնում, բայց որոշում է կայացվել տեղափոխել նրանց Հանրապետական հիվանդանոց: Այս մասին իր Facebook-ում գրել է ԱՆ մամուլի քարտուղար Ալինա Նիկողոսյանը:

«Վերջիններս նախնական տվյալներով ծխահարվել են», - գրել է նա:

Հրդեհի բարդության «Թիվ 2» կանչը ժամը 16:35-ին բարձրացվել է «Թիվ 3» կանչի:
Տեղեկությունն ամեն րոպե թարմացվում է: -0-