ԵՐԵՎԱՆ, 17 հուլիսի. /Նովոստի-Արմենիա/. Երևանում պարեկապահակային ծառայության զավթած գնդի մոտակայքում իրավիճակը հանգիստ է, հայտնում է «Նովոստի-Արմենիա» գործակալության թղթակիցը։
Ռուսաստանյան որոշ ԶԼՄ-ների տարածած լուրը շենքի իբր պատրաստվող գրոհի վերաբերյալ չի հաստատվել։ Մոտ մեկ ժամ առաջ փակոցից այն կողմ երկու զրահամեքենա է մտել։
Ոստիկանությունը լրագրողներին չի թույլատրում մոտենալ իրադարձությունների վայրին, ՊՊԾ պահակետի շենքի ողջ տարածքը շղթայված է։ Լրագրողները տեղավորվել են մոտակա սուպերմարկետի մոտ, որտեղից էլ սկսվում են պահպանաջոկատները։
Կիրակի լուսադեմին մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք և բռնության սպառնալիքով պահում են այնտեղ գտնվող անձանց։ Որոշ տեղեկություններով` զինված անձինք «Հիմնադիր խորհրդարան» արմատական ընդդիմադիր կազմակերպության կալանավորված առաջնորդ Ժիրայր Սեֆիլյանի կողմնակիցներն են, ովքեր պահանջում են ազատել նրան։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում