Չորեքշաբթի՝ օգոստոսի 10-ի առավել ուշագրավ նորությունները
11.08.2016,
08:00
«Նովոստի-Արմենիա» գործակալությունը ներկայացնում է չորեքշաբթի՝ օգոստոսի 10-ի առավել ուշագրավ նորությունների իր տարբերակը։
![Չորեքշաբթի՝ օգոստոսի 10-ի առավել ուշագրավ նորությունները Չորեքշաբթի՝ օգոստոսի 10-ի առավել ուշագրավ նորությունները](/upload/iblock/be8/ibxbnusl03mw30270puc18o4cn193ys8.jpg)
ԵՐԵՎԱՆ, 11 օգոստոսի. /Նովոստի-Արմենիա/. «Նովոստի-Արմենիա» գործակալությունը ներկայացնում է չորեքշաբթի՝ օգոստոսի 10-ի առավել ուշագրավ նորությունների իր տարբերակը։
- ՀՀ նախագահ Սերժ Սարգսյանի հրամանով լուծարվել է «Ազգային անվտանգության խորհրդի աշխատակազմ» պետական կառավարչական հիմնարկը և ուժը կորցրած է ճանաչվել ՀՀ նախագահի 2008 թվականի օգոստոսի 25-ի ՆԿ-139-Ն կարգադրությունը։
- «Մանկական եվրատեսիլ» երգի միջազգային հեղինակավոր մրցույթին այս տարի Հայաստանը կներկայացնեն Մերի Վարդանյանն ու Անահիտ Ադամյանը։
- Չորեքշաբթի համառ մենամարտում հայ բռնցքամարտիկ Հովհաննես Բաչկովը հաղթեց վենեսուելցի Մարտին Լուիս Արկոնին 2։1 հաշվով՝ անցնելով Ռիոյի Օլիմպիադայի մրցումների հաջորդ փուլ։ Ավելի վաղ Ռիոյում հաղթանակ է գրանցել նաև բռնցքամարտիկ Արամ Ավագյանը։
- «Հանուն խոսքի ազատության» կարգախոսով հանրահավաք է անցկացվել չորեքշաբթի Ազատության հրապարակում։ Ակցիայի նախաձեռնողները դեմ են արտահայտբում լրագրողների նկատմամբ բռնության դեպքերին։