ԵՐԵՎԱՆ, 1 ապրիլի./Նովոստի-Արմենիա/. ՀՀ-ում արտակարգ դրության ռեժիմի ընթացքում նախատեսված նոր սահմանափակումները նախատեսում են տեղաշարժի նոր կանոններ այն ոլորտների աշխատողների համար, ում գործունեությունը թույլատրվում է: Այս մասին նշվում է ՀՀ պարետ Տիգրան Ավինյանի նոր որոշման մեջ:
Загружается новость ... "Лево"
Պարետի հանձնարարականով, կորոնավիրսի տարածմամբ պայմանավորված մինչև ապրիլի 12-ը ներառյալ երկարացվել է արտակարգ ռեժիմի պայմաններում տեղաշարժի և տնտեսական գործունեության որոշ տեսակների նկատմամբ սահմանափակումները:
Պարետի նոր որոշմամբ՝ դադարեցվում է հանրային տրանսպորտի գործունեությունը` բացառությամբ երկաթուղային տրանսպորտի: Թույլատրվում է տաքսիների գործունեությունը:
Ինչպես նշվում է պարետի որոշման մեջ, բոլոր քաղաքացիներին աշխատանքի գնալիս անհրաժեշտ է լինելու ներկայացնել գործատուի կողմից լրացված ձևաթուղթը, ինչպես նաև անձը հաստատող փաստաթուղթը: Այս կետը պարտադիր է դառնում ապրիլի 1-ի ժամը 23։59-ից։ Տեղաշարժման թերթիկ անհրաժեշտ է լինելու ներկայացնել այլ սահմանված դեպքերում։
Գյուղատնտեսական կամ այգեգործական աշխատանքներ իրականացնելու համար տեղաշարժվելու, հիվանդանոց ու բժշկական այլ հաստատություններ, խնամքի կարիք ունեցող անձանց բնակության կամ կացության վայր, հոգեհանգստի և հուղարկավորության վայր այցելությունների դեպքում անհրաժեշտ է ունենալ ստորև նշված ձևաթղթող տեղեկությունները պարունակող թղթային կամ հեռախոսային հավելվածի միջոցով լրացված թերթիկի և անձը հաստատող փաստաթղթի հետ միասին:
Ընդ որում ԱԱԾ-ի, ՊՆ-ի, ԱԻՆ-ի, ոստիկանության, վարչապետի աշխատակազմի, Առողջապահության նախարարության, Առողջապահական և աշխատանքի տեսչական մարմնի, Սննդի անվտանգության և վերահսկողության կենտրոնի աշխատողների դեպքում գործատուի կողմից տրամադրված տեղեկանքը կարող է փոխարինվել ծառայողական վկայականով:
Պարետատունը նաև զիջման է գնացել որոշ դեպքերում: Եթե որոշմամբ սահմանված դեպքերում թույլատրվում է թեթև մարդատար ավտոմոբիլներով (ուղևորների համար նախատեսված 8-ից որ ավելի նստատեղ ունեցող) առավելագույնը 1 ուղևորի փոխադրումը, ապա թեթև մարդատար ավտոմոբիլով ընտանիքի անդամների, նույն կազմակերպությունում աշխատողների տեղաշարժը` առանց քանակի սահմանափակման թույլատրվում է:
Հայաստանում մարտի 16–ից ապրիլի 14–ը հայտարարվել է արտակարգ դրություն նոր կորոնավիրուսի կանխարգելման նպատակով:
Հայաստանում մինչև օրս գրանցվել է կորոնավիրուսով վարակման 571 դեպք։ 31 մարդ բուժվել է։ Արձանագրվել է մահվան 3 դեպք:–0–
