ԵՐԵՎԱՆ, 17 սեպտեմբորի./Նովոստի-Արմենիա/. Աշխարհի չեմպիոն, Հունահռոմեական ոճի ըմբշամարտիկ Արսեն Ջոլֆալակյանը իր Facebook-յան էջում ԿԳՄՍ նախարար Արայիկ Հարությունյանին ուղիղ եթերով բանավեճի է հրավիրել:
Загружается новость ... "Лево"
«Դիտեցի ԿԳՄՍ նախարարի երեկվա մամլո ասուլիսի՝ մանդատս վայր դնելու հարցին վերաբերող հատվածը․․․Որոշել եմ հրավիրել նրան ուղիղ եթերում բանավեճի, որպեսզի մեկընդմիշտ փակենք այս թեման և այն չվերածվի քաղաքական շոուի. հուսամ կգա»,- նշել է նա:
Նախկին պատգամավորը նշել է, որ հանրությունը, իշխող քաղաքական թիմը, նրա ենթակայության տակ գտնվող ոլորտների մասնագիտական համայնքները պետք է լսեն իրականությունը։
«Շատ կուզենամ բանավեճի ընթացքում կրկնի իմ մասով երեկվա արտաբերած մտքերը։ Միգուցե հիշողությունն է կարճ, բայց առնվազն պետք է տեղյակ լիներ, որ գոյություն ունեն դիմում/փաստաթղթեր, ելույթներ, տեսաձայնագրություններ և այլն։
Վստահ եմ, դրանից հետո դժվար գտնվեն մարդիկ, ովքեր կմեղադրեն ինձ չպայքարելու կամ ոչ բավարար պայքարելու մեջ․․․
Ես չէի ուզում, նա ստիպեց»,- հայտնել է Ջուլֆալակյանը:
Մարզիկը նշել է, որ կնախընտրեր բանավեճն անցկացնել որոշ ժամանակ անց, որպեսզի այն չկապվի տվյալ նախարարին վերաբերող քաղաքական այլ ուժերի և շրջանակների կողմից նախաձեռնած գործընթացների հետ:
Հիշեցնենք, որ օրեր առաջ Ջուլֆալակյանը հանդես եկավ հրապարակային հայտարարությամբ այն մասին, որ հրաժարվում է իր պատգամավորական մանդատից և որպես հիմք ներկայացրեց ԿԳՄՍ նախարարի հետ ունեցած «սկզբունքային անհամաձայնությունները նրա ենթակայության տակ գտնվող ոլորտների ներկա կառավարման մոտեցումների վերաբերյալ»:-0-
Դիտեցի ԿԳՄՍ նախարարի երեկվա մամլո ասուլիսի՝ մանդատս վայր դնելու հարցին վերաբերող հատվածը․․․ Որոշել եմ հրավիրել նրան...
Опубликовано Arsen Julfalakyan Четверг, 17 сентября 2020 г.
