Վաղարշակ Հարությունյանը կազատվի պաշտպանության նախարարի պաշտոնից

ԵՐԵՎԱՆ, 20 հուլիսի․/Նովոստի-Արմենիա/․ ՀՀ նախագահը ստացել է ՀՀ պաշտպանության նախարարի պաշտոնակատար Վաղարշակ Հարությունյանին պաշտոնից ազատելու վերաբերյալ ՀՀ վարչապետի առաջարկությունը:

Այս մասին հաղորդում է "Արմենպրեսը"՝ հղում անելով ՀՀ նախագահի աշխատակազմին:

Վաղարշակ Հարությունյանը Պաշտպանության նախարարի պաշտոնը զբաղեցրել է 2020 թվականի նոյեմբերի 20-ից։

ԶԼՄ-ների հաղորդմամբ, Հարությունյանը կզբաղեցնի Անվտանգության խորհրդի քարտուղարի պաշտոնը։-0-