ԵՐԵՎԱՆ, 7 հուլիսի./Նովոստի-Արմենիա/. Նախկին իշխող կուսակցության՝ ՀՀԿ-ի երիտասարդական կազմակերպության մի խումբ անդամներ երեքշաբթի բողոքի ակցիա են իրականացրել ՀՀ կառավարության շենքի դիմաց:
Загружается новость ... "Лево"
Ինչպես հայտնել է ՀՀԿ երիտասարդական կազմակերպության ղեկավար Հայկ Մամիջանյանը, ֆլեշմոբի նպատակը կոռուպցիոն սկանդալների և անօրենությունների մասին հիշեցումն է, որոնք իրականացվում են ՀՀ գործող իշխանությունների կողմից, մասնավորապես, սահմանադրական փոփոխությունների հետ կապված:
ՀՀԿ-ի ակտիվիստները կառավարության շենքի դիմաց մետրանոց տառեր են տեղադրել` կազմելով «Կրասնոդար» և «Վորոնեժ» բառերը: Ինչպես պնդում են նախկին իշխանությունների ներկայացուցիչները, հենց դեպի այս քաղաքներ են ուղևորվել մաքսանենգ ծխախոտով մի քանի ինքնաթիռներ, որոնք իբրև թե կազմակերպվել են գործող վարչապետին մոտ շրջակաների կողմից:
«Երկիրը խորը լոքդաունի մեջ է գտնվում, և այդ ժամանակ երկրից անօրինական ճանապարհով մի քանի ինքնաթիռ է դուրս բերվում, և դուք ցանկանում եք ասել, որ կառավարությունը տեղյակ չէ»,- հայտնել է Մամիջանյանը լրագրողներին:
Մամիջանյանը պարզաբանել է, որ նմանօրինակ ֆլեշմոբերը կշարունակվեն, չնայած Հայաստանում շարունակական կարանտինին:
«Սոցցանցերում մենք մշտապես ցույց ենք տալու կառավարությանը իր իրական դեմքը»,- հայտնել է նա:
Սկանդալ ծխախոտի շուրջ
Վատիկանում Հայաստանի նախկին արտակարգ և լիազոր դեսպան, նախկին նախագահ Սերժ Սարգսյանի փեսա Միքայել Մինասյանը Facebook-յան ր էջում տեսանյութեր է հրապարակել, որում նա մեղադրում է Հայաստանի իշխանություններին: Տեսանյութերից մեկում Մինասյանը մեղադրել է ՀՀ վարչապետի կնոջ եղբորը՝ իշխող խմբակցության պատգամավոր Հրաչյա Հակոբյանին, վերջին երկու տարիներին ծխախոտի մաքսանենգություն կազմակերպելու մեջ:
Загружается новость ...
"Право"
Մայիսի 27-ին, մեկնաբանելով Մինասյանի հայտարարությունները, Փաշինյանը հայտարարել է, որ Հայաստանից ծխախոտ արտահանելու առումով ամեն ինչ օրինական է: Նա հիշեցրեց Մինասյանի դեմ հարուցված քրեական գործի մասին, ըստ որի, վերջինիս հովանու ներքո ապօրինի ներմուծվել են թանկարժեք զարդեր, գյուղատնտեսական ապրանքներ, շինանյութ:
Պաշտոնական մեկնաբանություն
Ռուսական ԶԼՄ-ներում հրապարակվող նյութերի առնչությամբ, ՊԵԿ նախագահ Էդվարդ Հովհաննիսյանը հայտնել է, որ ՊԵԿ-ը այլ պետությունների մաքսային մարմիններից, որևէ այլ իրավապահ մարմիններից չի ստացել պաշտոնական գրություն արտահանված ծխախոտների մաքսանենգ լինելու վերաբերյալ:
Հիշեցնենք, որ հունիսի 6-ին Ռուսական vestivrn.ru տեղեկատվական կայքը հրապարակել է Երևանից Վորոնեժ ինքնաթիռով արտահանված մաքսանենգ ծխախոտների խմբաքանակի առգրավման մասին տեսանյութ: Ինչպես «Նովոստի-Արմենիա» գործակալությանը հայտնել են ՊԵԿ-ից, լրատվական կայքերում Երևանից-Վորոնեժ ծխախոտի նոր խմբաքանակի արտահանման վերաբերյալ լուրը, որի աղբյուրը ռուսական vestivrn.ru կայքն է, նոր դեպքի մասին չէ: Այն վերաբերում է շուրջ 1 ամիս առաջ տեղի ունեցած լրատվական հրապարակմանը: -0-