Մենք հող հանձնող չենք, ոչ մեկ հող չի հանձնում․ ԳՇ պետը՝ Տավուշի 4 գյուղերի մասին (ՎԻԴԵՈ)
14:53
25 Մարտի 2024
ԵՐԵՎԱՆ, 25 մարտի․/Նովոստի–Արմենիա/․ ՀՀ ԶՈՒ գլխավոր շտաբի պետ Էդվարդ Ասրյանն անդրադարձել է Տավուշի 4 գյուղերի հանձնման հարցին։
«Ոչ մեկ հող չի հանձնում», – ասաց Ասրյանն այսօր լրագրողներին ԱԺ–ում։
Ասրյանից հետաքրքրվեցին, թե, արդյոք, նորմա՞լ է շանտաժով խոսել, որ եթե հողերը չտանք, պատերազմ կլինի։
«Ոչ մեկ հող չի հանձնում։ Մենք հող հանձնող չենք։ ԶՈՒ գլխավոր շտաբի պետը զինված ուժերի ղեկավարն է: Ես ղեկավարում եմ զինված ուժերը եւ զինված ուժերը իրենց առջեւ դրված խնդիրները կատարում են», – ի պատասխան ասաց Ասրյանը լրագրողներին։
Նա նաև նշեց, որ պատերազմ կարող է լինել և մեկ ժամ հետո, ևերկու ժամ հետո, երեք ժամ հետո, մեկ տարի հետո, երկու տարի հետո, 5 տարի հետո:
Հայաստանի նկատմամբ Ադրբեջանի տարածքային պահանջների մասին
Ադրբեջանը հրաժարվում է ընդունել, որ օկուպացրել է Հայաստանի 31 բնակավայրերի տարածքներ և միաժամանակ պահանջում է իրեն փոխանցել Տավուշի 4 գյուղերի՝ Բաղանիսի, Ոսկեպարի, Կիրանցի և Բերքաբերի մոտակայքում գտնվող տարածքները։ Այդ տարածքներով է անցնում Վրաստան տանող միջպետական մայրուղին։
Մարտի 12-ին Փաշինյանը հայտարարեց, որ «Տավուշի մարզի գյուղերը Ադրբեջանին հանձնելու մասին քննարկում երբեք չի եղել և չի կարող լինել»: Սակայն մարտի 18-ին նա հանդիպման է գնացել Տավուշի այդ գյուղերի բնակիչների հետ և համոզել նրանց հանձնել իրենց տարածքները՝ հայտարարելով, որ «հակառակ դեպքում պատերազմ կլինի»։ -0-
Ռոսատոմի գլխավոր տնօրենի տեղակալն ասել է որ Ռոսատոմն ունի ցանկացած տեսակի տեխնոլոգիա, և նրանք կարող են կատարել Հայաստանի ղեկավարության ցանկացած որոշում
Կալանքի տակ գտնվող հասարակական–քաղաքական գործիչ, «Իմնեմնիմի» փոդքասթի համահեղինակ Վազգեն Սաղաթելյանը հայտարարել է, որ կալանքի տակ գտնվելը չի ազդի փոդքասթի աշխատանքի վրա
«Ազնավուր» հիմնադրամի հետ համագործակցության արդյուքում ARARAT կոնյակը ստանձնեց Շառլ Ազնավուրի 100-ամյակին նվիրված մի շարք միջոցառումների գլխավոր գործընկերոջ դերը․ ՖՈՏՈ