Մոսկվայի Crocus City Hall–ում հրաձգություն է տեղի ունեցել․ կան զոհեր (ՎԻԴԵՈ)

ԵՐԵՎԱՆ, 22 մարտի․/Նովոստի–Արմենիա/․ Հրաձգությունը տեղի է ունեցել մերձմոսկովյան Crocus City Hall համերգասրահում «Пикник» խմբի համերգից առաջ, հայտնում է ՌԲԿ–ն՝ հղում անելով РЕН ТВ–ին։

Այս մասին գրում են նաև SHOT-ը, Baza-ն, Mash-ը և «Осторожно, новости»-ին։ Ըստ Baza-ի ականատեսների՝ տղամարդը կրակ է բացել ավտոմատից։ Հաղորդվում է առնվազն 12 զոհի և մոտ 35 վիրավորի մասին։

«Երկրորդ հարկում նստած էինք, լսեցինք կրակոցներ, սկսեցինք շարժվել դեպի ներքը և հասկացանք, որ ներքևում ևս կրակում են։ Պառկեցինք հատակին, հետո հասկացանք, որ բոլորը վերև են բարձրանում, սկսեցինք բարձրանալ վերև։ Վերջում դուրս եկանք <...> Կրակում էին բոլոր կողմերից, պարզապես բոլոր կողմերից: Մենք պառկեցինք, հետո նկատեցինք, որ մարդիկ մի կերպ վազում էին ներքև շարժասանդուղքով: Մենք վազեցինք նրանց հետևից։ Մի աղջիկ սպանված էր»,- «Осторожно, новости»–ին պատմում է ականատեսներից մեկը։

ՏԱՍՍ-ի փոխանցմամբ՝ Crocus City Hall–ում ծուխ է լցվել, դեպքի վայր են մեկնել հրշեջներ։ Մոսկվայի հատուկ նշանակության ջոկատը մեկնել է դեպքի վայր։–0–