ԵՐԵՎԱՆ, 9 դեկտեմբերի․/Նովոստի-Արմենիա/․ Դեկտեմբերի 9-ին հայ-ադրբեջանական սահմանի արևելյան ուղղությամբ ադրբեջանական ԶՈՒ ստորաբաժանումների կողմից իրականացված սադրանքի հետևանքով հայկական կողմից թեթև հրազենային վիրավորում է ստացել երկու զինծառայող, հաղորդում է ՀՀ ՊՆ-ն։
«Ժամը 18։00-ի դրությամբ փոխհրաձգությունը դադարել է», - նշվում է գերատեսչության հաղորդագրության մեջ։
Նշենք, որ այսօր ադրբեջանական ԶՈՒ ստորաբաժանումները հերթական անգամ
սադրանքի են դիմել՝ ժամը 16։25-ից սկսած տարբեր տրամաչափի հրաձգային զինատեսակներից ինտենսիվ կրակ բացելով հայ-ադրբեջանական սահմանի Գեղարքունիքի մարզի հատվածում տեղակայված հայկական մարտական դիրքերի ուղղությամբ։
Հայկական կողմը դիմել է պատասխան գործողությունների։-0-
