Ծննդկանի ողբերգական մահը, Արայիկ Հարությունյանի շուրջ ստեղծված իրավիճակը, COVID-19–ի դեպքերի աճ. ամփոփում ենք նախորդ շաբաթվա լրահոսը
19.09.2020,
09:00
Ծննդկանի ողբերգական մահը, Արայիկ Հարությունյանի շուրջ ստեղծված իրավիճակը, COVID-19–ի դեպքերի աճ. ամփոփում ենք նախորդ շաբաթվա լրահոսը
ԵՐԵՎԱՆ, 19 սեպտեմբերի./Նովոստի–Արմենիա/. Ներկայացնում ենք նախորդ շաբաթվա կարևոր նորությունների հնգյակը (սեպտեմբերի 14–18–ը)։
- Նախորդ շաբաթ կրկին ակցիաներ էին կազմակերպվում` ԿԳՄՍ նախարար Արայիկ Հարությունյանի հրաժարականի պահանջով։ Նախարարն էլ կազմակերպել էր ասուլիս` պարզաբանումներ տալով տարբեր հարցերին` սկսած իր հրաժարականից մինչև Արսեն Ջուլֆալակյանի հետ տարաձայնություններն ու դպրոցներում դիմակ կրելու հետ կապված հարցը։
- ՀՀ վարչապետ Նիկոլ Փաշինյանը կառավարության նիստում հայտնեց, որ կորոնավիրուսի դեպքերի թիվն էականորեն ավելացել է, ինչն անհանգստացնող միտում է։ Միաժամանակ ԱՆ–ից հայտնեցին, որ երկրում կա կորոնավիրուսի արագ տարածման վտանգ։
- «Շենգավիթ» ԲԿ-ում 30–ամյա ծննդկան է մահացել։ Ավելի ուշ Գլխավոր դատախազությունից հայտնեցին, որ հարուցվել է քրեական գործ։ ԲԿ–ն դեպքի կապակցությամբ հրապարակեց պաշտոնական հաղորդագրություն։
- ԱԺ–ում կայացավ Սահմանադրական դատարանի նորընտիր դատավորներ Արթուր Վաղարշյանի, Էդգար Շատիրյանի ու Երվանդ Խունդկարյանի երդմնակալությունը։
- Հակառակորդի սադրանքի հետևանքով ՀՀ ՊՆ զորամասերից մեկի մարտական դիրքում պայմանագրային զինծառայող է զոհվել։–0–
Պատճենել հղումը
