911, 102, 103 զանգերի սպասարկումը կդադարի. կանչ կիրականացնի 112 հեռախոսահամարով
ԵՐԵՎԱՆ, 15 նոյեմբերի․/Նովոստի–Արմենիա/․ Կառավարության քննարկմանը ներկայացվեց նախագիծ, ըստ որի՝ առաջարկվում է հաստատել ոստիկանության ոլորտի բարեփոխումներ իրականացման ռազմավարության և 2024-2026 թվականների գործողությունների ծրագիրը։
ՆԳ նախարար Վահե Ղազարյանը, ներկայացրեց նախագիծը, որի շրջանակում ձևավորվելու է ՆԳՆ միասնական կրթահամալիրը։
«Ներդրվելու է ոստիկանության համակարգ մուտք գործելու մեկ միասնական խողովակ, երաշխավորվելու է անձնակազմի շարունակական կրթությունը։ Հանրության ահազանգերի օպերատիվ և արդյունավետ սպասարկման համար նախատեսվել է հանրապետական և միասնական օպերատիվ կառավարման կենտրոն՝ 112 ստեղծումը, որի շրջանակում առանձին հեռախոսահամարներով 911, 103, 102 զանգերի սպասարկումը կդադարեցվի և քաղաքացին իր կանչի սպասարկումը կստանա մեկ հեռախոսահամարով, մեկ կետից՝ արագ սպասարկմամբ»,-հայտնեց ՆԳ նախարարը։
Նրա խոսքով՝ սա նախատեսվում է իրականացնել 2026 թվականին։
