Նախորդ շաբաթվա կարևոր նորությունների հնգյակը

ԵՐԵՎԱՆ,27 փետրվարի./Նովոստի–Արմենիա/. «Նովոստի–Արմենիա» գործակալությունը հրապարակում է նախորդ շաբաթվա կարևոր նորությունների հնգյակը։

• ՀՀԿ–ն  ևՀՅԴ–ն ստորագրեցին երկար սպասված համաձայնագիրը` խոստանալով կիսել երկրի ապագայի համար պատասխանատվությունը։ Ստորագրման արարողությունից հետո ՀՀ նախագահ Սերժ Սարգսյանն իրհրամանագրով նշանակեց նոր նախարարներին։

• Ակտիվիստ Վարդգես Գասպարիի կալանավորումը մեծ արձագանք ստացավ քաղաքական շրջանակներում։ ՀՀ ԱԺ փոխխոսնակ Էդուարդ Շարմազանովը հայտարարեց, որ Գասպարիի կալանավորումը չունի քաղաքական ենթատեքստ, իսկ արդարադատության նախարար Արփինե Հովհաննիսյանը խոստացավ ճշտել տեղեկատվությունն այն մասին, թե ակտիվիստին իբր տանջում են բանտում։ Ավելի ուշ այս հարցին միացավ նաև Օմբուդսմենը։ Նախօրեին հայտնի դարձավ, որ Գասպարին ազատ է արձակվել։

• Քննչական կոմիտեն տեղեկացրեց Լոռու մարզում տեղի ունեցած աղմկահարույց սպանության բացահայտման մասին։ Ընդ որում, սպանության կապակցությամբ ոստիկանությունն ուժեղացված հերթապահություն էր սահմանել։

• ՀՀ ԱԺ–ն Արման Թաթոյանին ընտրեց Օմբուդսմենի պաշտոնումը։ Ելույթ ունենալով պատգամավորների առաջ` Թաթոյանն, ով հանրապետության արդեն չորրորդ Օմբուդսմենն է, խոստացավ առավելագույն ջանք գործադրել մարդու իրավունքների հետ կապված իրավիճակի բարելավման ուղղությամբ։ 

•  Սպառազինության ցանկի հրապարակումը, որը ձեռք է բերում Հայաստանը ռուսական պետական վարկի միջոցներով, արժանացավ պաշտոնական Բաքվի նյարդային արձագանքին։ Ադրբեջանը բողոքի նոտա ուղարկեց Ռուսաստանի ԱԳՆ–ին։ Քաղաքագետ Սերգեյ Մինասյանն այս հարցի կապակցությամբ նշեց, որ Ադրբեջանի այդ քայլը զուրկ է տրամաբանությունից, քանի որ այդ երկիրը միլիարդավոր դոլարների զենք է գնում Ռուսաստանից։ ՌԴ ԱԳՆ–ի պաշտոնական ներկայացուցիչ Մարիա Զախարովայի խոսքով` ՌԴ արտգործնախարարությունն այս պահին չունի բողոքի նոտայի օրիգինալ տարբերակը։–0–