Հայաստանի ՔԿ–ն բացահայտել է Լոռու մարզում կատարված աղմկոտ սպանությունը

ԵՐԵՎԱՆ, 23 փետրվարի. /Նովոստի–Արմենիա/. Հայաստանի քննչական կոմիտեն հայտնել է Լոռու մարզում կատարված աղմկոտ սպանության բացահայտման մասին։

Ավելի վաղ հաղորդվել էր, որ երկուշաբթի լույս գիշերը Վանաձոր–Ալավերդի ավտոճանապարհից 300 մետր հեռավորության վրա հայտնաբերվել էր 44–ամյա Նվեր Քոչինյանի դին հրազենային վերքերով։

Քննիչները պնդում են, որ Քոչինյանին վեճի ժամանակ անօրինական ձեռք բերած «ՏՏ» ատրճանակով սպանել է Լոռու մարզի բնակիչ Արմեն Կախյանը։ Վեճը բռնկվել է Ռուսաստանի տարածքում փայտանյութի իրացման հարցի շուրջ։

Ստացված ապացույցների հիման վրա որոշում է ընդունվել ներգրավել Կախյանին որպես մեղադրյալ ՀՀ ՔՕ 104–րդ հոդվածի առաջին մասով (սպանություն) և 235–րդ հոդվածի առաջին մասով (զենքի անօրինական ձեռք բերելը, իրացնելը, պահելը, փոխադրելը կամ կրելը)։ Տղամարդու նկատմամբ հայտարարվել է հետախուզում։

Հայկական ԶԼՄ–ների տվյալներով, 2000 թվականին սպանվել են Կախյանի ընտանիքի յոթ անդամները, որոնց թվում` կանայք և երեխաներ։ Չհաստատված տեղեկություններով, սև «Համերը», որով փախուստի է դիմել հետախուզվողը, արդեն հայտնաբերվել է։ -0-