ԵՐԵՎԱՆ, 22 փետրվարի. /Նովոստի–Արմենիա/. ՀՀ ոստիկանությունն ուժեղացված հերթապահություն է սահմանել ռազմավարական նշանակության օբյեկտներում, մասնավորապես` մետրոյի կայարաններում և կառավարության ու խորհրդարանի շենքերի մոտ։
Այս միջոցառումը կապված է Լոռիում տեղի ունեցած սպանության հետ, «Նովոստի–Արմենիա» գործակալությանը հայտնեց ոստիկանության մամուլի ծառայության ներկայացուցիչ Արմեն Մալխասյանը։
«Տեղի է ունեցել ծանր հանցագործություն, ինչի կապակցությամբ իրականացվում են անհրաժեշտ միջոցառումներ», – պարզաբանեց Մալխասյանն ու ավելացրեց, որ խոսքը Լոռու մարզում տեղի ունեցած սպանության մասին է։
Սպանություն Լոռու մարզում. մանրամասներ>>
Փետրվարի 22-ին, սպանություն է տեղի ունեցել Լոռու մարզում։ Ժամը 02:00-ի սահմաններում ոստիկանության Գուգարքի բաժին ահազանգ է ստացվել Վանաձորի շտապօգնությունից, որ հերթապահ խումբը կանչով մեկնել է Վահագնի գյուղ, որտեղ գլխի մասում ստացած հրազենային վնասվածքով հայտնաբերել են տղամարդու դի: Ոստիկաններն ու քննիչները պարզել են, որ սպանվածը Լոռու մարզի Վահագնի գյուղի բնակիչ, 44-ամյա Նվեր Քոչինյանն է, ով մահացել է գլխի մասում ստացած հրազենային կրակոցից։–0–