Երեքշաբթի` հունվարի 31–ի առավել ուշագրավ նորությունները
01.02.2017,
08:00
«Նովոստի–Արմենիա» գործակալությունը ներկայացնում է երեքշաբթի` հունվարի 31–ի առավել ուշագրավ նորությունների սեփական տարբերակ։
![Երեքշաբթի` հունվարի 31–ի առավել ուշագրավ նորությունները Երեքշաբթի` հունվարի 31–ի առավել ուշագրավ նորությունները](/upload/iblock/651/psfas97v90i71e2leampxzi831ipoivb.jpg)
ԵՐԵՎԱՆ, 1 փետրվարի. /Նովոստի–Արմենիա/. «Նովոստի–Արմենիա» գործակալությունը ներկայացնում է երեքշաբթի` հունվարի 31–ի առավել ուշագրավ նորությունների սեփական տարբերակ։
- ՀՀ ԱԳ նախարար Էդվարդ Նալբանդյանն իր ամփոփիչ ասուլիսի ժամանակ խոսել է ԵԱՀԿ ՄԽ համանախագահների փոփոխության մասին` նշելով, որ դա չի ազդի ղարաբաղյան հիմնահարցի շուրջ ընթացող բանակցությունների վրա։ Էդվարդ Նալբանդյանը նաև անդրադարձել է բլոգեր Լապշինին, ով կալանավորվել է Մինսկում Ադրբեջանի հայցով Ղարաբաղ այցելելու համար։
- Հայաստանի իշխող Հանրապետական կուսակցությունում (ՀՀԿ) ստացել են նախկին վարչապետ և Ազգային ժողովի նախկին նախագահ Հովիկ Աբրահամյանի դիմումը կուսակցությունից դուրս գալու մասին։
- ՀՀ ԳՆ սննդամթերքի անվտանգության պետական ծառայությունն անդրադարձել է էլեկտրոնային կայքերում և սոցիալական ցանցերում տարածված այն տեղեկատվությանը, թե Վաղարշապատի դեղատներից մեկում հայտնաբերվել է NUTRICIA Nutrilon ProNutra+ ադրբեջանական Facebook-ի հասցե ունեցող, կասկածելի մանկական կեր:
- Տեղեկատվական անվտանգության փորձագետ Սամվել Մարտիրոսյանը Facebook–ի էջերի ցանկ է ներկայացրել, որոնք իբր կոտրվել են ադրբեջանցի հաքերների կողմից։–0–