Մաշտոցի և Բաղրամյանի պողոտաները փակ են, բազմամարդ երթ է

ԵՐԵՎԱՆ, 21 ապրիլի./Նովոստի–Արմենիա/. Այս պահին Մաշտոցի և Բաղրամյանի պողոտաները փակ են։ Ցուցարարները բազմամարդ երթ են կազմակերպել։

Ավելի վաղ Մաշտոցի պողոտայի և Պուշկինի փողոցների խաչմերուկում լարված իրավիճակ էր։ Ակցիայի մասնակիցները փորձում էին արգելափակել երթևեկը, իսկ ոստիկաններն էլ իրենց հերթին պատ էին կազմել` ցուցարարներին պահելով մայթերում։ Երբ ցուցարարները թիվն ավելացավ, ոստիկանները հեռացան տարածքից։

Սպասվում է, որ ԱԺ պատգամավոր Նիկոլ Փաշինյանը կմիանա ցուցարարներին։

Փակ է նաև Բաղրամյան պողոտայի երթևեկը։

Ապրիլի 13–ին «Ելք» ընդդիմադիր խմբակցության ղեկավար, «Քաղաքացիական պայմանագիր» կուսակցության ղեկավար Նիկոլ Փաշինյանը Երևանում անցկացնում է շուրջօրյա հանրահավաքներ Սերժ Սարգսյանի վարչապետության դեմ։ Ապրիլի 16–ից հանրահավաքները վերածվեցին քաղաքացիական անհնազանդության համաքաղաքային ակցիաների։ Բողոքներն ուղեկցվում են բախումներով ցուցարարների և իրավապահների միջև, մասնավորապես, Բաղրամյան պողոտայում, փողոցների և առանցքային մայրուղիների, ինչպես նաև պետական հաստատությունների շենքերի արգելափակմամբ։ Ապրիլի 17–ին կազմակերպված հանրահավաքի ժամանակ Փաշինյանը հայտարարեց «թավշյա» հեղափոխության մասին։–0–