Հանրաչանաճ հայկական 1in.am լրատվական կայքը դադարեցնում է իր գործունեությունը

ԵՐԵՎԱՆ, 10 հուլիսի. /Նովոստի-Արմենիա/. Հայկական ամենաճանաչված և վարկանիշային լրատվական հարթակներից մեկը՝ 1in.am-ը, դադարեցնում է իր գործունեությունը, հաղորդում է լրատվականի կայքը:

«2010 թ.-ից ի վեր 1in.am-ը ջանացել է լինել առաջին ու անկողմնակալ լրատվական միջոցը Հայաստանում և նրա սահմաններից դուրս։ Տարիների ընթացքում մեզ հաջողվեց դառնալ Հայաստանի առաջատար լրատվամիջոցներից մեկը ցանցային տիրույթում», - նշվում է հաղորդագրության մեջ։

Կայքի խմբագրությունը նշում է, որ իրենց հաջողությունները «Ժամանակ» օրաթերթում, www.1in.am կայքում և «Առաջին լուրեր» լրատվական-վերլուծական կենտրոնում հնարավոր եղավ ապահովել իրենց նախկին և ներկա աշխատակիցների շնորհիվ, և հայտնում նրանց իրենց երախտագիտությունը։

«Իհարկե, այսպիսի արդյունքի մասին մենք չէինք էլ կարող երազել՝ առանց մեր անդավաճան ընթերցողների, հեռուստադիտողների և սոցցանցերում հարյուր հազարավոր հետևորդների։ Հասել է պահը, երբ առաջ շարժվելու համար անհրաժեշտ մոտիվացիան, ուժը, ավյունը այս պահին չկան։ Մենք դադարեցնում ենք մեր աշխատանքը՝ մինչև դրանք հնարավոր լինի վերագտնել և վերակազմավորվել», - նշվում է կայքում հրապարակված հաղորդագրության մեջ։ -0-