Հայ հաշմանդամ լողորդները չորս մեդալ են նվաճել Ռուսաստանի բաց առաջնության ժամանակ

Հայաստանը ներկայացնող հաշմանդամ լողորդները չորս մեդալ են նվաճել ՌԴ 2011թ. լողի բաց առաջնության առաջին օրը, հաղորդում է Հաշմանդամային Սպորտի Հայկական Ազգային Ֆեդերացիան:

Ռուսաստանի Դաշնության Ձերժինսկ քաղաքում ապրիլի 6-ին մեկնարկել է Հենաշարժողական համակարգի խնդիրներով մարզիկների համար կազմակերպված ՌԴ 2011թ լողի բաց առաջնությունը:

Առաջնության առաջին իսկ օրը Հայաստանի ներկայացուցիչները նվաճել են չորս մեդալ (մեկ ոսկե, երկու արծաթե և մեկ բրոնզե մեդալներ) 50 մ լողատարածությունը ազատ ոճով և 100 մ լողատարածությունը բրաս լողաձևով:

ՌԴ 2011թ լողի բաց առաջնութունն ընդգրկված է Միջազգային Պարալիմպիկ Կոմիտեի միջազգային մրցաշարերի ցանկում: Առաջնությանը մասնակցում են նաև ՌԴ 32 մարզերի և Ղազախստանի ավելի քան երեք հարյուր մարզիկներ:-0-