Հայաստանի ֆուտբոլի ֆեդերացիայի պաշտոնական կայքը կգործի սեպտեմբերից

Հայաստանի ֆուտբոլի ֆեդերացիայի պաշտոնական կայքը կգործի 2007 թ.-ի սեպտեմբերից, «Նովոստի-Արմենիա» գործակալությանը տեղեկացրեց ֆեդերացիայի մամուլի քարտուղարի պաշտոնակատար Տիգրան Իսրաելյանը։

«Կայքից օգտվողներին հայկական ֆուտբոլի մասին ողջ տեղեկատվությունը  կտրամադրվի երեք լեզուներով՝ հայերեն, ռուսերեն և անգլերեն», - ասաց նա։

Իսրաելյանը նշեց, որ կայքում կզետեղվի տեղեկատվություն հավաքականների, ակումբների և երիտասարդական թիմերի մասին ։

«Կայքի կարիքը վաղուց կար, քանի որ հայկական ֆուտբոլով հետաքրքրվում են ոչ միայն Հայաստանում, այլ նաև արտերկրում», - ասաց նա։-0-