Իսպանիան դարձել է ֆուտբոլի աշխարհի չեմպիոն
20.07.2026,
09:40
Իսպանիայի հավաքականը հաղթել է ԱԱ-2026-ում
ԵՐԵՎԱՆ, 20 հուլիսի․/Նովոստի-Արմենիա/․ Իսպանիայի հավաքականը հաղթել է ԱԱ-2026-ում՝ միայն երկրորդ լրացուցիչ խաղակեսում կորզելով հաղթանակը Արգենտինայից:
106-րդ րոպեին ոսկե գոլի հեղինակ է դարձել Ֆերան Տորրեսը: Իսպանացիները գերիշխում էին դաշտում. հարվածների հարաբերակցությունը 16:0 էր, իսկ դեպի դարպասը կատարված հարվածներինը՝ 11:0:
Արգենտինան այդպես էլ չկարողացավ ոչ մի անգամ դիպուկ հարվածել մրցակցի դարպասին: Արգենտինացիների համար իրավիճակը բարդացավ 92-րդ րոպեին Էնցո Ֆերնանդեսի ստացած կարմիր քարտով. գրեթե ողջ լրացուցիչ ժամանակը արգենտինացիներն անցկացրին տասը հոգով:
Եզրափակիչը կայացել է Նյու Յորքում՝ լեցուն տրիբունաներով: Իսպանիան դարձավ աշխարհի չեմպիոն երկրորդ անգամ՝ Մունդիալում իր առաջին հաղթանակից 16 տարի անց:
Պատճենել հղումը
