«Հայաստանի համար խաղալը կիրք է, որը չի փոխարինի ոչ մի ակումբ»․ Հենրիխ Մխիթարյան

ԵՐԵՎԱՆ, 29 ապրիլի․/Նովոստի–Արմենիա/․ «Ինտերի» կիսապաշտպան և Հայաստանի ազգային հավաքականի նախկին ավագ Հենրիխ Մխիթարյանը համեմատել է իր խաղերն ազգային հավաքականի և ակումբի կազմում, գրում է sportball24-ը։

36-ամյա ֆուտբոլիստն ընդգծել է, որ չորս տարի չի խաղում Հայաստանի հավաքականի կազմում, բայց երբ տարբեր մրցաշարերում պաշտպանել է երկրի պատիվը, միշտ զգացել է եռանդ, կիրք և հաղթելու ցանկություն, քանի որ հաղթանակը շատ բան է նշանակում Հայաստանի համար։

Ակումբներն ունեն բազմաթիվ օտարերկրյա խաղացողներ, ովքեր փորձում են լավագույնս ներկայացնել իրենց երկիրը։ «Ես նրանցից մեկն էի, ես նույնն էի անում, և երջանիկ եմ, որ Հայաստանի ներկայացուցիչն էի Անգլիայում, Իտալիայում, Գերմանիայում, Ուկրաինայում, ամենուր, որտեղ ելույթ էի ունենում», - ընդգծել է Մխիթարյանը։

Ընդհանուր առմամբ, Մխիթարյանն ազգային հավաքականի կազմում անցկացրել է 95 խաղ՝ խփելով 32 գոլ։ 2022 թվականի մարտին կիսապաշտպանը հայտարարեց Հայաստանի ազգային հավաքականում կարիերան ավարտելու որոշման մասին։

Նա մշտական ​​խաղացող է Սիմոնե Ինձագիի նախընտրած կիսապաշտպանական եռյակում՝ Նիկոլո Բարելլայի և Հաքան Չալհանօղլուի կողքին: 2025 թվականի մարտի 1-ի դրությամբ Մխիթարյանն «Ինտերի» կազմում անցկացրել է 92 խաղ։ Նրա պայմանագիրը «Ինտերի» հետ գործում է մինչև 2026 թվականի ամառը։