Հայաստանի հավաքականը երկրորդ անընդմեջ հաղթանակն է տարել ՈւԵՖԱ-ի Կանանց Ազգերի լիգայում՝ 100%-անոց արդյունքով գլխավորելով մրցաշարային աղյուսակը

ԵՐԵՎԱՆ, 26 փետրվարի․/Նովոստի–Արմենիա/․ Հայաստանի կանանց ֆուտբոլի հավաքականը ՈւԵՖԱ-ի Կանանց Ազգերի լիգայի երկրորդ տուրում 2:0 հաշվով հաղթել է Ղազախստանի հավաքականին։

Ինչպես հայտնում է Հայաստանի ֆուտբոլի ֆեդերացիան, Հայաստանի հավաքականի կազմում առաջին գոլը խփել է Սվետլանա Ղարագյոզյանը հանդիպման 15-րդ րոպեին։ Երկրորդ խաղակեսի 56-րդ րոպեին Օքսանա Պիզլովան 11 մետրանոց հարվածով կրկնապատկել է հաշիվը։

Ավելի վաղ, ընտրական փուլի մեկնարկային խաղում, Հայաստանի հավաքականը խոշոր հաշվով՝ 6:1, հաղթել էր Լիխտենշտեյնի հավաքականին։

Հաջորդ հանդիպումը Հայաստանի հավաքականը կանցկացնի Լյուքսեմբուրգի թիմի դեմ։

Ազգերի լիգայի ընտրական փուլը կշարունակվի 2025 թվականի փետրվարից մինչև հունիս, իսկ եզրափակիչ խաղերը նախատեսված են 2025 թվականի հոկտեմբեր-դեկտեմբերին։ Յուրաքանչյուր թիմ իր խմբում խաղալու է միմյանց դեմ երկու անգամ՝ սեփական հարկի տակ և արտագնա խաղում։ A լիգայի խմբերի չորս հաղթողները դուրս կգան եզրափակիչ փուլ։

Կանանց Հայաստանի ազգային հավաքականը առաջին երկու հանդիպումներից հետո 100 տոկոսանոց արդյունքով գլխավորում է ՈՒԵՖԱ Կանանց Ազգերի Լիգայի իր խմբի մրցաշարային աղյուսակը։