ԵՐԵՎԱՆ, 18 մայիսի․ /Նովոստի-Արմենիա/․ Երևանի քաղաքապետարանը պարզաբանում է լրացուցիչ ռեսուրսներ ներգրավելու անհրաժեշտությունը հասարակական տրանսպորտի աշխատանքները կազմակերպելու համար, երկուշաբթի ասաց քաղաքապետի առաջին տեղակալ Հրաչյա Սարգսյանը՝ Միասնական տեղեկատվական կենտրոնում կայացած մամուլի ասուլիսում:
Նա նշեց, որ ներկայումս 150 միավոր համայնքային շարժակազմ է դուրս բերվել, ինչպես նաև մասնավոր ուղևորափոխադրողներ նույնպես շարժակազմ են դուրս բերել:
Загружается новость ...
"Право"
«Փաստն այն է, որ սրանք տարվա այն ամիսներն են, երբ ուղևորահոսքը 30 տոկոսի չափով նվազում է, հաշվի առնելով որ դպրոցները և ուսումնական հաստատությունները փակված են լինում, այս մի քանի օրվա ընթացքում երբ կհասկանանք ուղևարահոսքն ինչպես է իրեն դրսևորում, նոր ինչ-որ միջոցառումներ կձեռնարկենք և կքննարկենք լրացուցիչ ռեսուրսներ ներգրավելու հնարավորությունը, այդ թվում՝ ելնելով այն հանգամանքից, որ կանգնած ուղևորափոխադրումներն արգելված են », - ասաց Սարգսյանը:
Նա նշեց, որ այժմ ուղևորահոսքը շատ ցածր է և մի քանի օր կպահանջվի իրավիճակը լիարժեք գնահատելու համար:
Ըստ նրա, այս պահի դրությամբ, 95% դեպքերում քաղաքացիներն իրենք չեն նստում տրանսպորտ, եթե այն արդեն լցված է, չնայած կան կանգնելու համար վարորդների հետ վեճերի դեպքեր:
«Այս դեպքերում վարորդներն ունեն հստակ ցուցում. նրանք կարող են կանգնեցնել տրանսպորտային միջոցը և չվերսկսել շարժումը, մինչև ուղևորը չհեռանա», - ասաց Սարգսյանը:
Նա նաև ասաց, որ բոլոր միկրոավտոբուսներին տրամադրվում են տուփեր մանրադրամի համար և ախտահանող միջոցների: Ինչպես նաև պարտադիր է մեքենայի ախտահանումը: Միևնույն ժամանակ, համայնքային տրանսպորտը ախտահանվելու է համայնքի հաշվին, իսկ մասնավոր տրանսպորտում պետք է ինքնուրույն իրականացնենի ընթացակարգը:
Նույնը, ըստ նրա, վերաբերում է անձնական պաշտպանական միջոցներին` վարորդների համար նախատեսված բժշկական դիմակները և ձեռնոցները, ձեռք են բերվելու երթուղին գործարկող ընկերությունների կողմից:
Խոսելով ստուգումների և բոլոր պահանջների կատարման մոնիտորինգի մասին, փոխքաղաքապետը նշեց, որ անկախ նրանից, թե որքանով էլ քաղաքապետարանը ներգրավված լինի, դժվար կլինի իրավիճակը վերահսկել 800 միկրոավտոբուսներում և 300-ից ավելի ավտոբուսներում:
«Մենք այդպիսի մարդկային ռեսուրսներ չունենք: Մենք խնդրում ենք քաղաքացիներին զգոն լինել, պահանջել համապատասխան պայմանների կատարումը և բացատրել դրանց անհրաժեշտությունը: Կարծում եմ, որ փոխադարձ վերահսկողությունը կօգնի հաղթահարել ծանր իրավիճակը», - ասաց Սարգսյանը:
Պատասխանելով վարորդների համար այսպես կոչված «ամենօրյա պլանը» վերանայելու հնարավորության մասին հարցին՝ նա նշեց, որ մասնավոր հատվածում ընկերություններն իրենք են որոշում դա: Փոխքաղաքապետը շեշտեց, որ առաջին ցուցանիշներն ամփոփելուց հետո կքննարկվի գոյություն ունեցող երթուղիների կազմակերպումը և շահագործումը, հատկապես հաշվի առնելով շահույթի պակասը:-0-