Թորոսյանը հայտնել է, թե ինչպիսին պետք է լինի բժշկական դիմակը, որպեսզի պաշտպանի կորոնավիրուսից

ԵՐԵՎԱՆ, 19 մարտի․ /Նովոստի-Արմենիա/․ Կորոնավիրուսային վարակի դեմ պաշտպանելիս անհրաժեշտ է օգտագործել համապատասխան որակի և ձևի բժշկական դիմակներ, ինչպես նաև խստորեն հետևել դրանց օգտագործման ցուցումներին, ասել է Առողջապահության նախարար Արսեն Թորոսյանը:

«Դիմակների նպատակն է փռշտոցի կամ հազի ժամանակ վարակից պաշտպանլելը, որը փոխանցվում է օդային կաթիլներով: Սովորական դիմակները չեն կարող պաշտպանել կորոնավիրուսից այն պատճառով, որ դրա գործվածքը չի կարող սահմանափակել կորոնավիրուսային մոլեկուլների տարածումը` հաշվի առնելով դրանց փոքր չափսերը », - ասաց նա հինգշաբթի, Միասնական տեղեկատվական կենտրոնում կայացած մամուլի ասուլիսի ժամանակ:

Թորոսյանը հիշեցրել է, որ դիմակները պետք է փոխվեն յուրաքանչյուր 3-4 ժամը մեկ , քանի որ դրանք, կուտակելով ջրի կաթիլներն ու փոշին, վտանգավոր են դառնում՝ ստեղծելով բարենպաստ միջավայր վիրուսների և այլ միկրոօրգանիզմների համար:

«Կամ անհրաժեշտ է օգտագործել բարձրորակ և պատշաճ դիմակներ, կամ դրանք ընդհանրապես չհագնել: Իմաստ չկա դիմակով փողոցով քայլելու մեջ, առաավել ևս, փակ տարածութունում, եթե այն չի կարող պաշտպանել», - ասել է նա:

Նրա խոսքով, կորոնավիրուսից պաշտպանվելու համար առավել հարմար են N95 կամ FFP3 պաշտպանության աստիճանի դիմակներ, որոնք պետք է կրել փակ տարածքում, որպեսզի դրանք դեմքին ամբողջությամբ կպչեն:

«Ըստ այդմ, երկրում դիմակների շուրջ ծագած խառնաշփոթը չի կարելի տեղին համարել: Ավելին, բժիշկներին կամ հիվանդներին անհրաժեշտ են մասնագիտացված դիմակներ: Մենք սպասում ենք 3 մլն խմբաքանակ, իսկ ներկայումս երկրում կան մոտ 1 մլն այդպիսի դիմակներ։

Ինչ վերաբերում է կանխարգելիչ նպատակներով ախտահանող միջոցների, ինչպիսիք են ժավելը կամ յոդը, նախարարը շեշտեց, որ դրանք կարող են վնասել մաշկը և չեն հանդիսանում կանխարգելիչ միջոց կորոնավիրուսների դեմ:

Ընդհանուր առմամբ, մարտի 19-ի դրությամբ Հայաստանում գրանցվել է կորոնավիրուսային վարակի 122 դեպք: Վարակվածների մեծ մասը (այդ թվում ՝ մեկ դպրոցահասակ) Էջմիածնի բնակիչներ են, ինչպես նաև այն մարդիկ, ովքեր վարակված մարդու հետ շփվելուց հետո վարակվել են Երևանի արտադրամասերից մեկում:-0-

Հայաստանում կորոնավիրուսային վարակի առաջին դեպքը հաստատվել է մարտի 1-ին, հիվանդն արդեն ապաքինվել է և դուրս գրվել հիվանդանոցից: Վարակվածների թվում կան Իրանից և Իտալիայից Հայաստանի քաղաքացիներ (Երևանի, Էջմիածնի, Մեղրիի և Չարենցավանի բնակիչներ), նրանց հետ շփման մեջ գտնվող անձինք, ինչպես նաև Իտալիայի մեկ քաղաքացի և Ֆրանսիայից այցելու: -0-