636.6
7.16
524.6
+14
Եղանակը Երևանում
Հայ

Երջանկության հորմոն. ի՞նչ ուտել լավ տրամադրություն ունենալու համար

15:35
01 Հունվարի 2021

ԵՐԵՎԱՆ, 1 հունվարի. /Նովոստի-Արմենիա/. Ի՞նչ է պետք մարդուն երջանիկ լինելու համար: Յուրաքանչյուր ոք ինքն է որոշում իր համար, բայց մեկ ընդհանուր բան կա: Քչերն են կարծում, որ երջանկության և լավ տրամադրության համար ճիշտ սնվել է պետք: Պետք է, որ մեր օրգանիզմը ստանա ուրախության համար անհրաժեշտ բոլոր նյութերը:

Օրինակ, շատերը լսել են, որ երջանիկ լինելու համար անհրաժեշտ է երջանկության հորմոն սերոտոնինը: Բայց հաճախ չգիտենք էլ, թե որքան սերոտոնին կարող է արտադրել մեր օրգանիզմը:

Նախևառաջ, պետք է անփոխարինելի տրիպտոֆան ամինաթթուն, որը կարող ենք ստանալ միայն սննդի հետ:

Տրիպտոֆանի բազմաստիճան սինթեզի ընթացքում էլ առաջանում է սերոտոնինը: Երջանկության հորմոնի հաջող արտադրման համար պետք են նաև օգնող տարրեր՝ ածխաջրեր, B խմբի վիտամիններ, մագնիում և ցինկ: Եթե այդ բոլոր տարրերն օրգանիզմում չկան, ապա տրիպտոֆանը չի հասնում ուղեղին, և սերոտոնինի սինթեզ չի կատարվում: Այդ պատճառով պետք է ուտել հատիկեղեն, հատկապես՝ վարսակաձավար:

Լավ տրամադրության սննդակարգում կարևոր են նաև մրգերն ու բանջարեղենը: Ավելի լավ՝ վառ գույն ունցեղողները (սմբուկ, ցուքինի, բուլղարական տաքդեղ, բազուկ, գազար, նարինջ): Անպայման ուշադրություն դարձրեք B խմբի վիտամիններին՝ В1-ը գարեջրասնկերում է, դարչնագույն բրնձում, ցորենի սաղմերում և սոյայում: В3-ի աղբյուր են՝ ձուկը, հավկիթը, հատիկեղենը և թռչնամիսը, В6-ինը՝ հնդկաձավարը, ծովամթերքը: Եվ վերջապես В12-ով հարուստ են՝ ձուկն ու կաթնամթերքը:

AIF-ը ներկայացնում է սերոտոնինի արտադրմանը նպաստող մթերքները.

Յուղոտ ձուկ

еда, рыба

Շատ օգտակար մթերք է, քանի որ հարուստ է ամբողջ օրգանիզմի նորմալ կենսագործունեության համար անհրաժեշտ Օմեգա-3 ճարպաթթուներով: Ձուկը պարունակում է նաև տրիպտոֆան և D վիտամին, ինչպես նաև իմունիտետ և տրամադրություն բարձրացնող B6 վիտամին: 

Շոկոլադ

шоколад

Պատահական չէ, որ աշնանն ամենանախընտրելի ըմպելիքներից մեկը կակաոն է, որովհետև կակաոյի հատիկներում մեծ չափաքանակի տրիպտոֆան է պարունակվում: Դրանցում կա նաև կոֆեին, որն օգնում է ձմեռային քնկոտությունից արթնանալուն և առույգ լինելուն:

Վառ գունավորում ունեցող միրգ ու բանջարեղեն

баклажаны, огурцы, овощи

Դդում, նարինջ, մանդարին, բուլղարական տաքդեղ, գազար և բազուկ՝ վառ գունավորում ունեցող բոլոր մրգերն ու բանջարեղենն ընդունակ են լավ տրամադրություն հաղորդել: Չէ՞ որ դրանցում ռեկորդային քանակի վիտամիններ կան: Օրինակ, ցիտրուսայինները հարուստ են C վիտամինով, որը պետք է օրգանիզմին կենդանական սպիտակուցների ամինաթթուները վերամշակելու և սերոտոնինի վերածելու համար: 

Պանիր 

сыр

Պանրում շատ են А և Е վիտամինները, ինչպես նաև ճարպաթթուները, որոնք բնական հակադեպրեսանտներ են ըստ էության: Պանիրը պարունակում է նաև սթրեսը պակասեցնող և զայրույթը նվազեցնող տրիպտոֆանը: Հենց տրիպտոֆանի շնորհիվ էլ պանիրն օգնում է լավ քնել, գիտնականները խորհուրդ են տալիս նաև գիշերը մի կտոր պանիր ուտել, բայց պետք է հիշել նաև, որ այն բավականին կալորիական է: Այդ իսկ պատճառով կտորը պետք է շատ փոքրիկ լինի:

Բանան

бананы

Բանանները պարունակում են հարման ալկալոիդ, որն ուրախության զգացում է առաջացնում: Այդ պտուղը հարուստ է նաև B6 վիտամինով, որն օգնում է սերոտոնինի արտադրմանը:

Հավկիթ 

яйца

Հավկիթները պարունակում են անփոխարինելի ճարպաթթուներ և А, Е, D վիտամիններ, ինչպես նաև մեծ քանակությամբ տրիպտոֆան, ինչպես նաև B խմբի վիտամիններ:

Ընկուզեղեն

миндаль

Նուշը պարունակում է հանգստացնող ազդեցություն և սթրեսի հորմոնի մակարդակը նվազեցնող E վիտամին: Իսկ պիստակը հարստացնում է մեզ մոնոչհագեցած ճարպաթթուներով, որոնք պատասխանատու են դրական էմոցիաների համար: Դրանք նաև իջեցնում են զարկերակային ճնշումը, օգնում խուսափել ադրենալինի ավելցուկից և մեղմում են սթրեսը:

Լոբի

красная фасоль, лоби

Լոբու գլխավոր հարստությունը մագնիումն է, որը թուլացնում է մկանները, հետևաբար՝ հանգստացնում է: Հանգիստ վիճակում նյարդային համակարգն ավտոմատ հանդարտվում է: Մագնիումն օգնում է նաև կարգավորել կորտիզոլի մակարդակը՝ նպաստելով սթրեսի մեղմմանը և հանգիստ տրամադրությանը:–0–
Partners News
ԱՌԿԱ գործակալություն
Բաժնի այլ նյութեր
17:57
15 Փետրվարի 2021
Ինչպե՞ս դադարեցնել մազաթափությունը, արդյունավետ միջոց
Ինչպե՞ս դադարեցնել մազաթափությունը, արդյունավետ միջոց
17:17
15 Փետրվարի 2021
Բանանից պատրաստվող հիանալի խոնավացնող դիմակ դեմքի համար
Ներկայացնում ենք բանանից պատրաստվող հիանալի խոնավացնող դիմակ դեմքի համար
12:17
15 Փետրվարի 2021
Արչին ավագ եղբայր է դառնալու. արքայազն Հարին ու Մեգան Մարքլը սպասում են իրենց երկրորդ երեխային (ՖՈՏՈ)
Արչին ավագ եղբայր է դառնալու. արքայազն Հարին ու Մեգան Մարքլը սպասում են իրենց երկրորդ երեխային. ՖՈՏՈ
13:01
14 Փետրվարի 2021
Ի՞նչ անել երկրաշարժի ժամանակ. ԱԻՆ–ի ուղեցույցը (ՎԻԴԵՈ)
ԱԻՆ սեյսմիկ պաշտպանության տարածքային ծառայության տնօրենի գլխավոր խորհրդական Հրաչյա Պետրոսյանը «Նովոստի–Արմենիա»–ին տված բացառիկ հարցազրույցում ներկայացրել է ուղեցույց, որին պետք է հետևել երկրաշարժի ժամանակ. ՎԻԴԵՈ
14:37
10 Փետրվարի 2021
Օգտակար է արդյո՞ք նախաճաշից հրաժարվելը
Օգտակար է արդյո՞ք նախաճաշից հրաժարվելը, պարզաբանում են գիտնականները
14:00
10 Փետրվարի 2021
5 կարևոր մթերք կնոջ առողջության համար
5 կարևոր մթերք կնոջ առողջության համար
18:30
08 Փետրվարի 2021
Գիտնականները պարզել են արյան «ամենավտանգավոր» խումբը
Գիտնականները պարզել են արյան «ամենավտանգավոր» խումբը
17:25
08 Փետրվարի 2021
Ինչպե՞ս է կաթն ազդում երեխաների հասակի վրա
Ինչպե՞ս է կաթն ազդում երեխաների հասակի վրա
15:59
08 Փետրվարի 2021
Ճիշտ սննդակարգի անցնելու 5 պարզ միջոց
Ներկայացնում ենք ճիշտ սննդակարգի անցնելու 5 պարզ միջոց
14:45
08 Փետրվարի 2021
Զկրտալ, հորանջել, փռշտալ, ձգվել... ի՞նչ է օրգանիզմը փորձում ասել մեզ մարմնի լեզվով
Զկրտալը, հորանջելը, փռշտալը, ձգվելը... Ի՞նչ է օրգանիզմը փորձում ասել մեզ մարմնի լեզվով
13:37
08 Փետրվարի 2021
Օրական 4 թրջած նուշ, և օրգանիզմում հիանալի փոփոխություններ կկատարվեն
Օրական 4 թրջած նուշ, և օրգանիզմում հիանալի փոփոխություններ կկատարվեն
17:17
07 Փետրվարի 2021
Ճի՞շտ է, արդոք, որ մեղրը տարիների ընթացքում չի փչանում
Եկեք պարզենք` ճի՞շտ է, արդոք, որ մեղրը տարիների ընթացքում չի փչանում