5 մթերք, որոնց հետևանքով կանանց դեմքը մազակալում է

ԵՐԵՎԱՆ, 27 հոկտեմբերի./Նովոստի–Արմենիա/. Փարթամ մազերը գեղեցկացնում են կնոջը միայն այն դեպքում, եթե դրանք գլխի վրա են։

Իսկ դեմքի մազակալումը վկայում է կնոջ օրգանիզմում առկա հորմոնալ խախտումների մասին, գրում է fithacker.ru–ն։

Պարզվում է` կնոջ դեմքի մազերն այնպիսի գործոնների համադրության հետևանք են, ինչպիսիք են գենետիկան, սթրեսը, ճիշտ սննդակարգը և այլն։Մասնագետները պնդում են, որ կանանց մոտ բեղերի աճի հիմնական պատճառը սխալ սննդակարգն է։

Շտկելով սննդակարգը` կարելի է դադարեցնել դեմքի վրա անցանկալի մազերի աճը։

Եվ այսպես, ներկայացնում ենք այն մթերքների ցանկը, որոնք պետք է հանել սննդակարգից կամ գոնե նվազեցնել դրանց օգտագործումը։

Ձու

Իրականում մազերը 80%–ով բաղկացած են սպիտակուցից և ամինաթթուներից։ 

Բոլորին հայտնի է, որ ձուն ևս սպիտակուց է։ Այդ պատճառով, եթե դուք ունեք դեմքի մազակալում, անհապաղ դադարեք ձու ուտել կամ նվազեցրեք դրա օգտագործումը։

Խոզի միս

Մասնագետները պարզել են, որ խոզի միսը ևս կարող է հանգեցնել դեմքի մազակալման։ 

Տավարի միս

Նույնը վերաբերում է նաև տավարի մսին։ Այն ևս սպիտակուցի հզոր աղբյուր է։ Այդ պատճառով եթե դուք ունեք դեմքի մազակալում, հրաժարվեք մեծ քանակությամբ տավարի մսի օգտագործումից։ 

Թռչնամիս

Հայտնի է, որ թռչնամիսը պարունակում է սպիտակուց։ Այդ պատճառով հավի միսը խթանում է մազերի աճը։ Իսկ դա նշանակում է, որ ավելի լավ է խուսափել հավի մսից։ 

Տոֆու 

Տոֆուն և սոյայից բաղկացած մթերքները նույն պրոտեինի հզոր աղբյուր են, որը հանգեցնում է կանանց մոտ դեմքի մազակալման։ Եթե դուք ուզում եք, որպեսզի ձեր դեմքը մնա հարթ, հրաժարվեք տոֆուից և սոյա պարունակող մթերքներից։–0–