ԵՐԵՎԱՆ, 9 փետրվարի. /Նովոստի–Արմենիա/. «Այբ» կրթական հիմնադրամի ջանքերով Հայաստանում վեցերորդ, իսկ Արցախում հինգերորդ անգամ պաշտոնապես անցկացվել է «Ռուսական արջուկ. լեզվաբանություն բոլորի համար» միջազգային մրցույթը, հայտնեցին հիմնադրամի մամուլի ծառայությունից
Մրցույթին մասնակցել է Հայաստանի և Արցախի 326 դպրոցների 2-12-րդ դասարանների 8640 աշակերտ:
Ըստ մրցույթի արդյունքների՝ «Ռուսական արջուկի» հաղթողն էԱրզումանյան Վալենտինան (3-րդ դասարան, Վ. Բելինսկու անվան թիվ 38 հիմնական դպրոց), ինչպես նաև 371 մրցանակակիր, որոնցից 44-ն արձանագրել է լավագույն արդյունք:
Հաղորդագրության համաձայն, 2015 թ. նոյեմբերի 5-ին «Այբ» կրթական հիմնադրամի նախաձեռնությամբ Հայաստանում և Արցախում արդեն երկրորդ անգամ անցկացվել «Մեղու. հայերենը բոլորի համար» մրցույթը:
Մրցույթին մասնակցել Հայաստանի և Արցախի 1001 դպրոցների 3-12-րդ դասարանների 41606 աշակերտ։
Մրցույթի արդյունքներով հաղթող է ճանաչվել Անժելա Մաթևոսյանը (4-րդ դասարան, «Դիլիջանի կենտրոնական դպրոց» կրթական հիմնադրամ):
Բացի հաղթողից՝ մրցույթում լավագույն արդյունք է ցուցաբերել 308 աշակերտ։
«Այբ» հիմնադրամի կողմից հատուկ խրախուսական մրցանակներ են շնորհվելու ևս 905 աշակերտի՝ բոլոր այն դպրոցներում, որտեղ չկան հաղթող կամ պատվոգրակիր երեխաներ:
Այսպիսով՝ ընդհանուր թվով 1213 աշակերտ այս տարի կարժանանա «Մեղու»-ի մրցանակներին:
Փետրվարի 10-16-ը միաժամանակ կկայանան «Ռուսական արջուկ 2015»-ի և «Մեղու 2015»-ի մրցանակաբաշխությունները։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում