ՈւՇԱԴՐՈւԹՅՈւՆ ԶԼՄ–նԵՐԻՆ. «Նովոստի» միջազգային մամուլի կենտրոնում տեղի կունենա մամուլի ասուլիս` նվիրված Էստոնիայում հայկական ժամանակակից արվեստի առաջին ցուցահանդեսին

ԵՐԵՎԱՆ, 15 ապրիլի. /Նովոստի–Արմենիա/. Չորեքշաբթի` ապրիլի 16–ին, ժամը 13։00–ին, «Նովոստի» միջազգային մամուլի կենտրոնում տեղի կունենա մամուլի ասուլիս` նվիրված Էստոնիայում հայկական ժամանակակից արվեստի առաջին ցուցահանդեսին` «Քայլող հետքեր. Տիգրան Սահակյանը, Արման Վահանյանը և Տիգրան Կիրակոսյանը Տալլինում» խորագրով, որը կազմակերպվել էր «Մշակույթների երկխոսություն» հիմնադրամի նախաձեռնությամբ Էստոնիայի ազգային գրադարանում։

Ցուցահանդեսը բացվել է ապրիլի 10–ին Էստոնիայի մշակույթի նախարարության, Էստոնիայի կառավարությանն առընթեր Մշակույթի հիմնադրամի աջակցությամբ, ինչպես նաև «Էստոնիայի գծանկարիչների ասոցիացիայի»  հետ սերտ համագործակցությամբ։

Մամուլի ասուլիսին կմասնակցեն`

Ցուցահանդեսի մասնակիցներ, նկարիչներ Տիգրան Սահակյանը, Արման Վահանյանը  Տիգրան Կիրակոսյանը,

«Մշակույթների երկխոսություն» հիմնադրամի նախագահ Սոնա Հարությունյանը։

«Նովոստի–Արմենիա» գործակալության հասցեն` Երևան, Վարդանանց 7։

Հեռախոսահամարներ հավատարմագրվելու համար` 52-83-92 (ներքին` 108), 52-83-64 (ներքին` 108), 56-72-10 (ներքին` 108)։

Հասմիկ Սահակյան, մենեջեր` (094) 18-33-77։–0-