ՀայՌուսգազարդը ժամանակից շուտ կմարի ՀՀ կառավարության վարկը

ՀայՌուսգազարդը ժամանակից շուտ կմարի ՀՀ կառավարության 40 մլն դոլարի վարկը, «Նովոստի-Արմենիա» գործակալությանը հայտնեցին ընկերության մամուլի ծառայությունից:

ՀՀ ֆինանսների նախարարության և «ՀայՌուսգազարդ» ՓԲԸ միջև 16.10.2009թ. կնքված վարկային պայմանագրով 2009թ. նոյեմբերի 2-ին «ՀայՌուսգազարդ» ՓԲԸ-ին տրամադրվել է 40 մլն ԱՄՆ դոլարի վարկ` 6 ամիս մարման ժամկետով, 11% տարեկան տոկոսադրույքով:

40 մլն դոլարի կարճաժամկետ վարկը ուղղվել է Հրազդանի ՋԷԿ-ի 5-րդ էլեկտրաբլոկի շինարարությանը:

Հաղորդագրության համաձայն, ընթացիկ տարվա փետրվարի 17-ի դրությամբ «ՀայՌուսգազարդ» ՓԲԸ-ն տրամադրված վարկի գումարից ժամկետից շուտ մասնակի մարումներով ՀՀ ֆինանսների նախարարությանը ետ է վերադարձրել 31 մլն ԱՄՆ դոլար` վճարելով ավելի քան 9,74 մլն ԱՄՆ դոլար տոկոսագումար:

Վարկի մնացորդը կազմում է 9.,04 մլն ԱՄՆ դոլար, ինչը ընկերությունը նույնպես նախատեսում է մարել մարման ժամկետից շուտ:

Ընկերությունը ստեղծվել է 1997 թ.-ին: «Գազպրոմ» ԲԲԸ մասը ընկերության կանոնադրական կապիտալում 80 տոկոս է կազմում, ՀՀ կառավարության մասը՝ 20 տոկոս: ($1- 381,34 դրամ) -0-